ఇండియన్ ప్రీమియర్ లీగ్ అంటేనే రికార్డులకు నెలవు. ప్రతీ సీజన్లో ఎన్నో రికార్డులను నెలకొల్పుతుంటారు ఆటగాళ్లు. అయితే ఈరోజు జరిగే రాజస్థాన్ చెన్నై మ్యాచ్లోనూ ఆయా ప్లేయర్లను కొన్ని రికార్డులు కవ్విస్తున్నాయి. సగం మ్యాచ్లు పూర్తయిన ఈ సీజన్లో ఇంకో సగం మ్యాచ్లు మాత్రమే మిగిలి ఉన్నాయి. ఈ సీజన్లో ఇంకా ఇప్పటి వరకూ పెద్దగా రికార్డులేమీ నమోదు కాలేదు. అయితే ఈ రోజు జరిగే మ్యాచ్లో ఇరు జట్ల ఆటగాళ్లు కొన్ని రికార్డులకు చేరువలో ఉన్నారు. వారెవరు.. ఆ రికార్డులేంటో చూసేద్దాం...
1. అజింక్య రహానే : టెస్ట్ బ్యాటర్గా ముద్ర వేసుకున్న రహానే ఈ సీజన్లో మాత్రం దుమ్ములేపుతున్నాడు. చెన్నై తరఫున ఆడుతున్న రహానే కెరియర్ అత్యుత్తమ స్ట్రయిక్ రేట్తో బౌలర్ల భరతం పడుతున్నాడు. అయితే ఈరోజు రాజస్థాన్ రాయల్స్తో జరిగే మ్యాచ్లో రహానే ఓ రికార్డుకు అతి చేరువలో ఉన్నాడు. ఐపీఎల్లో ఇప్పటి వరకు 449 ఫోర్లు కొట్టాడు. ఇంకొక బౌండరీ సాధిస్తే... 450 ఫోర్లు బాదిన 8వ ఆటగాడిగా రహానే నిలుస్తాడు. ఐపీఎల్ హిస్టరీలో అత్యధిక ఫోర్లు (730) బాదిన రికార్డు ధవన్ పేరిట ఉంది. తర్వాత వార్నర్(621), విరాట్(609) రోహిత్(539) లు వరసగా ఉన్నారు. ఇలా టాప్ 10లో ఎనిమిది మంది భారత ఆటగాళ్లు ఉండటం విశేషం.
2. రవిచంద్రన్ అశ్విన్: క్యారమ్ బంతులతో బ్యాటర్లను తికమక పెట్టే అశ్విన్ ముందు ఓ మైలురాయి ఉంది. ఇప్పటి వరకు అశ్విన్ ఆడిన టీ20 మ్యాచ్ల్లో 296 వికెట్లు పడగొట్టాడు. మరో నాలుగు వికెట్లు నేలకూలిస్తే.. టీ20ల్లో 300 వికెట్లు తీసిన రెండో భారత ప్లేయర్గా రికార్డులకెక్కుతాడు. అశ్విన్ కంటే ముందు తన సహచర బౌలర్ యుజ్వేంద్ర చాహల్ (311) వికెట్లతో ముందున్నాడు. మరి అశ్విన్ తన మాజీ ఫ్రాంచైజీ చెన్నై మీద ఈ ఘనత సాధిస్తాడో లేదోనని రాజస్థాన్ అభిమానులు ఆసక్తిగా ఎదురుచూస్తున్నారు. కాగా ప్రస్తుత సీజన్లో అశ్విన్ 9 వికెట్లు పడగొట్టాడు.
3. బట్లర్: ఈ మ్యాచ్లో మరో మైలురాయికి దగ్గర్లో ఉన్న ప్లేయర్ జాస్ బట్లర్. ఐపీఎల్లో 2018 నుంచి రాజస్థాన్ జట్టుకు ఆడుతున్న ఈ ఇంగ్లాండ్ ప్లేయర్... ఆర్ఆర్ తరఫున 64 ఇన్నింగ్స్ల్లో కలిపి 44.7 సగటున 2548 పరుగులు చేశాడు. ఇందులో 22 సార్లు 50 పై చిలుకు స్కోర్ నమోదు చేశాడు. ఇందులో 17 హాఫ్ సెంచరీలు, 5 సెంచరీలు ఉన్నాయి. ఈరోజు చెన్నైతో మ్యాచ్లో గనక బట్లర్ 50 పరుగులు చేస్తే... రాజస్థాన్ తరఫున ఎక్కువ 50+ స్కోర్లు నమోదు చేసిన జాబితాలో రహానే సరసన నిలుస్తాడు. అంతకు ముందు రహానే 21 హాఫ్ సెంచరీలు, 2 సెంచరీలు రాజస్థాన్ జట్టులో ఉన్నప్పుడు చేశాడు. అలా ఈ మూడింట్లో ఎవరు ముందు ఆయా రికార్డులను అందుకుంటారా అని ఇరు జట్ల అభిమానులు ఎదురుచూస్తున్నారు.
IPL 2023 CSK VS RR : ఈ ప్లేయర్స్ ఆ రికార్డులను అందుకుంటారా? - అశ్విన్ ఐపీఎల్ 300 వికెట్లు
ఐపీఎల్ సీజన్ 16లో భాగంగా నేడు(ఏప్రిల్ 27) రాజస్థాన్ రాయల్స్, చెన్నై సూపర్ కింగ్స్ పోటీ పడనున్నాయి. జైపుర్లోని సవాయ్ మాన్సింగ్ స్టేడియం వేదికగా జరిగే ఈ మ్యాచ్లో ఇరు జట్ల ఆటగాళ్లను పలు రికార్డులు ఊరిస్తున్నాయి. ఆ రికార్డులేంటంటే...
ఇండియన్ ప్రీమియర్ లీగ్ అంటేనే రికార్డులకు నెలవు. ప్రతీ సీజన్లో ఎన్నో రికార్డులను నెలకొల్పుతుంటారు ఆటగాళ్లు. అయితే ఈరోజు జరిగే రాజస్థాన్ చెన్నై మ్యాచ్లోనూ ఆయా ప్లేయర్లను కొన్ని రికార్డులు కవ్విస్తున్నాయి. సగం మ్యాచ్లు పూర్తయిన ఈ సీజన్లో ఇంకో సగం మ్యాచ్లు మాత్రమే మిగిలి ఉన్నాయి. ఈ సీజన్లో ఇంకా ఇప్పటి వరకూ పెద్దగా రికార్డులేమీ నమోదు కాలేదు. అయితే ఈ రోజు జరిగే మ్యాచ్లో ఇరు జట్ల ఆటగాళ్లు కొన్ని రికార్డులకు చేరువలో ఉన్నారు. వారెవరు.. ఆ రికార్డులేంటో చూసేద్దాం...
1. అజింక్య రహానే : టెస్ట్ బ్యాటర్గా ముద్ర వేసుకున్న రహానే ఈ సీజన్లో మాత్రం దుమ్ములేపుతున్నాడు. చెన్నై తరఫున ఆడుతున్న రహానే కెరియర్ అత్యుత్తమ స్ట్రయిక్ రేట్తో బౌలర్ల భరతం పడుతున్నాడు. అయితే ఈరోజు రాజస్థాన్ రాయల్స్తో జరిగే మ్యాచ్లో రహానే ఓ రికార్డుకు అతి చేరువలో ఉన్నాడు. ఐపీఎల్లో ఇప్పటి వరకు 449 ఫోర్లు కొట్టాడు. ఇంకొక బౌండరీ సాధిస్తే... 450 ఫోర్లు బాదిన 8వ ఆటగాడిగా రహానే నిలుస్తాడు. ఐపీఎల్ హిస్టరీలో అత్యధిక ఫోర్లు (730) బాదిన రికార్డు ధవన్ పేరిట ఉంది. తర్వాత వార్నర్(621), విరాట్(609) రోహిత్(539) లు వరసగా ఉన్నారు. ఇలా టాప్ 10లో ఎనిమిది మంది భారత ఆటగాళ్లు ఉండటం విశేషం.
2. రవిచంద్రన్ అశ్విన్: క్యారమ్ బంతులతో బ్యాటర్లను తికమక పెట్టే అశ్విన్ ముందు ఓ మైలురాయి ఉంది. ఇప్పటి వరకు అశ్విన్ ఆడిన టీ20 మ్యాచ్ల్లో 296 వికెట్లు పడగొట్టాడు. మరో నాలుగు వికెట్లు నేలకూలిస్తే.. టీ20ల్లో 300 వికెట్లు తీసిన రెండో భారత ప్లేయర్గా రికార్డులకెక్కుతాడు. అశ్విన్ కంటే ముందు తన సహచర బౌలర్ యుజ్వేంద్ర చాహల్ (311) వికెట్లతో ముందున్నాడు. మరి అశ్విన్ తన మాజీ ఫ్రాంచైజీ చెన్నై మీద ఈ ఘనత సాధిస్తాడో లేదోనని రాజస్థాన్ అభిమానులు ఆసక్తిగా ఎదురుచూస్తున్నారు. కాగా ప్రస్తుత సీజన్లో అశ్విన్ 9 వికెట్లు పడగొట్టాడు.
3. బట్లర్: ఈ మ్యాచ్లో మరో మైలురాయికి దగ్గర్లో ఉన్న ప్లేయర్ జాస్ బట్లర్. ఐపీఎల్లో 2018 నుంచి రాజస్థాన్ జట్టుకు ఆడుతున్న ఈ ఇంగ్లాండ్ ప్లేయర్... ఆర్ఆర్ తరఫున 64 ఇన్నింగ్స్ల్లో కలిపి 44.7 సగటున 2548 పరుగులు చేశాడు. ఇందులో 22 సార్లు 50 పై చిలుకు స్కోర్ నమోదు చేశాడు. ఇందులో 17 హాఫ్ సెంచరీలు, 5 సెంచరీలు ఉన్నాయి. ఈరోజు చెన్నైతో మ్యాచ్లో గనక బట్లర్ 50 పరుగులు చేస్తే... రాజస్థాన్ తరఫున ఎక్కువ 50+ స్కోర్లు నమోదు చేసిన జాబితాలో రహానే సరసన నిలుస్తాడు. అంతకు ముందు రహానే 21 హాఫ్ సెంచరీలు, 2 సెంచరీలు రాజస్థాన్ జట్టులో ఉన్నప్పుడు చేశాడు. అలా ఈ మూడింట్లో ఎవరు ముందు ఆయా రికార్డులను అందుకుంటారా అని ఇరు జట్ల అభిమానులు ఎదురుచూస్తున్నారు.
