IPL 2023 CSK vs KKR : ఇండియన్ ప్రీమియర్ లీగ్ 2023లో భాగంగా చెన్నై సూపర్ కింగ్స్, కోల్కతా నైట్ రైడర్స్ మధ్య మ్యాచ్ జరిగింది. అయితే ఈ మ్యాచ్లో పాయింట్ల పట్టికలో రెండో స్థానంలో ఉన్న చెన్నై సూపర్‌కింగ్స్‌కు.. కోల్కతా షాక్‌ ఇచ్చింది. CSKను వారి సొంత మైదానంలో 6 వికెట్ల తేడాతో చిత్తు చేసింది. ఈ విజయంతో కోల్కతా ఇంకా ప్లేఆఫ్స్ రేసులో నిలిచింది. అయితే వాస్తవానికి ఈ ప్లేఆఫ్స్ చేరడం చాలా కష్టమే అయినా.. ఆరో విజయంతో సాంకేతికంగానైనా తన అవకాశాలను సజీవంగా ఉంచుకుంది. స్పిన్నర్లు నరైన్‌, వరుణ్‌.. బ్యాటర్లు రింకూ సింగ్, నితీశ్ రాణాల చక్కని ప్రదర్శనతో చెన్నైను కోల్కతా ఓడించింది. ఈ మ్యాచ్లో నెగ్గితే చెన్నై ప్లేఆఫ్స్ చేరేది. అయితేనే ఓడినప్పటికీ రేసులో చాలా ముందుంది.
చెన్నై నిర్దేశించిన 145 సాధారణ లక్ష్యంతో బరిలోకి దిగిన కోల్కతా ఆది నుంచి తడబడింది. ఓ దశలో 33 పరుగులకే 3 వికెట్లు కోల్పోయి కష్టాల్లో పడింది. ఓపెనర్ జేసన్ రాయ్ (12) పరుగులకే పెవిలియన్ చేరగా.. గుల్భాజ్ కేవలం ఒక్క పరుగుకే వెనుదిరిగాడు. ఆ తర్వాత తర్వాత వచ్చిన వెంకటేశ్ అయ్యర్ కూడా ఆకట్టుకోలేక పోయాడు. 4 బంతులు ఎదుర్కొని 9 పరుగులతే ఔట్ అయ్యాడు. ఆ తర్వాత దిగిన నితీశ్ రాణా (50), రింకూ సింగ్ (54) అద్భుత ప్రదర్శన చేసి KKRను ఆదుకున్నారు. 18వ ఓవర్లలోనే KKR లక్ష్యాన్ని చేధించింది. CSK బౌలర్లలో దీపక్‌ చాహర్‌ మూడు వికెట్లు పడగొట్టాడు.
అంతకుముందు, టాస్ గెలిచి బ్యాటింగ్ దిగిన చెన్నై జట్టు.. నిర్ణీత 20 ఓవర్లలో 6 వికెట్ల నష్టానికి 144 పరుగులు చేసింది. కోల్కతా బౌలర్ల కట్టుదిట్టంగా బౌలింగ్ చేయడం వల్ల.. చెన్నై సూపర్ కింగ్స్ బ్యాటర్లు పరుగులు తీయలేకపోయారు. దీంతో స్వల్ప స్కోరుకే చెన్నై పరిమితమైంది. 72 పరుగులకే ఐదు వికెట్లు కోల్పోయి కష్టాల్లో పడిన CSKలో శివమ్‌ దూబె(48 నాటౌట్‌; 34 బంతుల్లో 1×4, 3×6) పరుగులతో రాణించాడు. కాస్తలో హాఫ్ సెంచరీ కాస్తలో మిస్సయ్యాడు. రుతురాజ్‌ గైక్వాడ్ (17), డేవాన్‌ కాన్వే(30), రహానె(16), రవీంద్ర జడేజా(20) పరుగులు చేశారు. ఇక, కోల్కతా బౌలర్లలో వరుణ్‌ చక్రవర్తి(2/36) , సునీల్‌ నరైన్‌లు(2/15) రెండు వికెట్ల చొప్పున తీసి ఆ జట్టుకు కళ్లెం వేయగా.. వైభవ్‌ అరోరా, శార్దూల్‌ ఠాకూర్‌లు ఒక్కో వికెట్‌ తీశారు.
ఇదీ చూడండి: RR Vs RCB : 60పరుగుల లోపు రాజస్థాన్ రెండు సార్లు ఆలౌట్.. మరి ఆర్సీబీ పరిస్థితేంటి?
