అంతర్జాతీయ క్రికెట్ మండలి(ఐసీసీ).. జింబాబ్వే మాజీ బౌలర్ హీత్ స్ట్రీక్పై ఎనిమిదేళ్ల పాటు నిషేధం విధించింది. గతంలో పలుమార్లు అవినీతి నిరోధక కోడ్ను ఇతడు ఉల్లంఘించాడనే ఆరోపణలు వచ్చాయి. అయితే ఇప్పుడు వాటిని ఒప్పుకొన్నాడు.
జింబాబ్వే తరఫున 189 వన్డేలు, 65 టెస్టుల్లో వరుసగా 239, 216 వికెట్లు తీశాడు. రిటైర్మెంట్ తర్వాత కోచ్గా పనిచేసిన హీత్.. ఆ సమయంలోనే అవినీతి చేసినట్లు తేలింది.
2017, 2018లో పలు మ్యాచ్ల్లో భాగంగా తన ఆటగాళ్ల దగ్గరకు బుకీలను అనుమతించాడు హీత్ స్ట్రీక్. వీటిలో ఐపీఎల్, బీపీఎల్, ఆఫ్ఘానిస్థాన్ ప్రీమియర్ లీగ్లోని మ్యాచ్లు ఉన్నాయి. అయితే తన చర్యలు, ఈ మ్యాచ్ల ఫలితాలపై ఎలాంటి ప్రభావం చూపలేదని ఐసీసీ అవినీతి నిరోధక శాఖ వెల్లడించింది.
