టీమ్ఇండియా బ్యాట్స్మన్ రోహిత్ శర్మ తనకు అన్నయ్య లాంటి వాడని అన్నాడు స్పిన్నర్ యుజ్వేంద్ర చాహల్. అతడి వల్లే తాను ఐపీఎల్ అరంగేట్రం చేయగలిగానని చెప్పాడు.
"రోహిత్ భయ్యాతో నాకు గొప్ప అనుబంధం ఉంది. 2011లో ముంబయి ఇండియన్స్ జట్టులోకి వచ్చినప్పటి నుంచి మేమిద్దరం ఒకరికొకరు తెలుసు. అతడి వల్లే నేను ఐపీఎల్ అరంగేట్రం చేయగలిగా. నాకు ఎటువంటి అవకాశాలు రానప్పుడు, రోహిత్ కెప్టెన్సీ బాధ్యతలు చేపట్టగానే నన్ను తీసుకున్నాడు. నా రూమ్కు వచ్చి 'నువ్వు మ్యాచ్లు ఆడబోతున్నావ్' అని నాతో అన్నాడు. నేను ఆ మాట వినగానే ఆశ్చర్యపోయా. ఎందుకంటే అప్పటికే మా జట్టులో హర్భజన్ సింగ్, ప్రజ్ఞాన్ ఓజా లాంటి స్పిన్నర్లు ఉన్నారు. మేమెప్పుడు ముగ్గురు స్పిన్నర్లతో ఆడలేదు. టీమ్ఇండియాలో రోహిత్, కుల్దీప్యాదవ్తో విడదీయలేని బంధం ఉంది. వారిద్దరూ అన్ని పరిస్థితుల్లోనూ నాకు అండగా ఉన్నారు. మా మధ్య మంచి సంబంధాలు, అర్థం చేసుకునేతత్వం ఉంది. వాళ్లతో సరదాగా ఉంటా.. కానీ వాళ్ల మీద ఉన్న గౌరవంతో నేనెప్పుడు హద్దులు దాటలేదు. ముఖ్యంగా రోహిత్ నాకు అన్నయ్య లాంటి వాడు."
-రోహిత్ శర్మ, టీమ్ఇండియా.
చాహల్.. 2013లో ముంబయి ఇండియన్స్ తరఫున ఐపీఎల్ అరంగేట్రం చేశాడు. ఆ తర్వాత 2014 నుంచి ఆర్సీబీకి ప్రాతినిధ్యం వహిస్తున్నాడు. మొత్తంగా ఇప్పటివరకు కెరీర్లో 108 ఐపీఎల్ మ్యాచ్లు ఆడగా.. 125వికెట్లు తీశాడు.
ఇదీ చూడండి: 'ఐపీఎల్ నుంచి నేనే వెళ్లిపోదామనుకున్నా'
