బుధవారం పంజాబ్ కింగ్స్తో జరిగిన ఐపీఎల్ మ్యాచులో సన్రైజర్స్ హైదరాబాద్ 9 వికెట్ల తేడాతో గెలిచింది. ఈ విజయంలో రెండు వికెట్లు తీసి తనవంతు పాత్ర పోషించాడు అభిషేక్ శర్మ. దీనిపై స్పందించిన సన్రైజర్స్ మరో ఆటగాడు స్పిన్నర్ రషీద్ ఖాన్.. అభిషేక్పై ప్రశంసలు కురిపించాడు. టీమ్ఇండియాకు భవిష్యత్ ఆల్రౌండర్గా ఎదుగుతాడని ఆశాభావం వ్యక్తం చేశాడు.
"భవిష్యత్లో టీమ్ఇండియాకు నికార్సయిన ఆల్రౌండర్గా ఎదుగుతావు. నీకు చాలా సామర్థ్యం ఉంది. నీవు కష్టపడితే విజయాలను అందుకుంటావు" అని రషీద్ ప్రశంసించాడు.
తన ప్రదర్శన గురించి మాట్లాడుతూ.. "బౌలింగ్ చాలా ప్రాక్టీస్ చేస్తున్నాను. ఎలాంటి పరిస్థితుల్లోనైనా ఆడగలను. లాక్డౌన్లో ఇంటి వద్ద నా చిన్ననాటి కోచ్ మా నాన్న లెఫ్ట్ ఆర్మ్ స్పిన్నర్ వద్ద బౌలింగ్లో వైవిధ్యాలను నేర్చుకున్నాను. మ్యాచు ఆడేటప్పుడు వాటిని అమలు చేసే విశ్వాసం నాలో ఉంది." అని రషీద్ చెప్పాడు.
సన్రైజర్స్.. తన తర్వాతి మ్యాచ్ను దిల్లీ క్యాపిటల్స్తో చెన్నై చిదంబరం స్డేడియం వేదికగా ఏప్రిల్ 25(ఆదివారం)న ఆడనుంది.
