IPL 2022: ఐపీఎల్ 2022 త్వరలో ప్రారంభం కానున్న తరుణంలో తమ జట్టుకు కొత్త బ్యాటింగ్ సలహాదారున్ని నియమించింది పంజాబ్ కింగ్స్. ఇంగ్లాండ్కు చెందిన పవర్ హిట్టింగ్ కోచ్ జూలియన్ రోస్వుడ్ను ఇందుకు ఎంపికచేసింది. ఈ మేరకు పంజాబ్ కింగ్స్ సోషల్ మీడియాలో ప్రకటన చేసింది.
పవర్ హిట్టింగ్ కోచ్గా ప్రసిద్ధి చెందిన రోస్వుడ్కు.. ఐపీఎల్ సహా బిగ్బాష్ లాంటి టీ20 లీగ్ల్లో పనిచేసిన అనుభవం ఉంది. రోస్వుడ్ కోసం గత రెండేళ్లుగా ఎదురుచూస్తున్నామని పంజాబ్ యాజమాన్యం తెలిపింది.
ఈ సారి జరిగిన మెగావేలంలో శిఖర్ ధావన్, జానీ బెయిర్స్టో, కగిసో రబాడ, లివింగ్స్టోన్లను పంజాబ్ కొనుక్కుంది. గత మూడు సీజన్లలోనూ పంజాబ్ ఆరోస్థానంతోనే సరిపెట్టుకుంది. పంజాబ్ చివరిసారిగా 2014లో ఫైనల్లో అడుగు పెట్టింది. ఈ సీజన్లో ఓపెనర్ మయాంక్ అగర్వాల్ పంజాబ్ జట్టుకు సారథ్యం వహించనున్నాడు.
ఇదీ చదవండి: ఐసీసీ 'ప్లేయర్ ఆఫ్ ది మంత్'గా శ్రేయస్ అయ్యర్
