IPL 2022 Bowlers: ఎంతో మంది క్రికెట్ అభిమానులు వేచి చూస్తున్న ఐపీఎల్ 15వ సీజన్ మరికొద్ది రోజుల్లో ప్రారంభం కానుంది. ఈ నెల 26న జరిగే చెన్నై సూపర్ కింగ్స్- కోల్కత్తా నైట్రైడర్స్ మ్యాచ్తో లీగ్ మొదలవ్వనుంది. ప్రతిఏటా ఈ టోర్నీ కోసం ఎంతో మంది క్రికెట్ ప్రేమికులు ఎంతో ఆసక్తిగా ఎదురుచూస్తుంటారు. ఈ నేపథ్యంలో ఐపీఎల్ లీగ్లో అత్యధిక వికెట్లు సాధించిన టాప్-5 బౌలర్లు ఎవరు? ఎన్నెన్ని వికెట్లు పడగొట్టారు? వంటి వివరాలను తెలుసుకుందాం..
అత్యధిక వికెట్లు తీసిన బౌలర్లు..
లసిత్ మలింగ
ఐపీఎల్ చరిత్రలో ముంబయి ఇండియన్స్ పేసర్ లసిత్ మలింగ గొప్ప బౌలర్గా పేరు సంపాదించాడు. 122 మ్యాచ్లు ఆడి 170 వికెట్లతో రికార్డు సృష్టించాడు. 2009లో ముంబయి ఫ్రాంఛైజీ ఇతడిని కొనుగోలు చేయగా 2019 వరకు ఆ జట్టులోనే ఆడాడు. గతేడాది వ్యక్తిగత కారణాల వల్ల సీజన్కు దూరమై.. 2021 మెగా వేలానికి ముందు రిటైర్మెంట్ ప్రకటించాడు.
మలింగ్ బెస్ట్ బౌలింగ్ ఫిగర్స్: 5/13
డ్వేన్ బ్రావో
ఐపీఎల్లో 151 మ్యాచ్లాడిన బ్రావో 167 వికెట్లు సాధించి లీగ్లో అత్యధిక వికెట్లు తీసిన బౌలర్ల జాబితాలో రెండో స్థానంలో నిలిచాడు. బ్రావోను ఈ ఏడాది చెన్నై సూపర్కింగ్స్ రూ.4.40 కోట్లకు కొనుగోలు చేసింది.
డ్వేన్ బ్రావో బెస్ట్ బౌలింగ్ ఫిగర్స్: 4/22
అమిత్ మిశ్రా
టీమ్ఇండియా స్పిన్నర్ అమిత్ మిశ్రా ఐపీఎల్లో 154 మ్యాచ్లు ఆడి 166 వికెట్లు సాధించాడు. లీగ్లో అత్యధిక వికెట్లు సాధించిన వారి జాబితాలో మూడో స్థానంలో నిలిచాడు. ఈ సీజన్లో అమిత్ మిశ్రాను ఏ ఫ్రాంచైజీ కొనుగోలు చేయలేదు.
అమిత్ మిశ్రా బెస్ట్ బౌలింగ్ ఫిగర్స్: 5/17
పీయూష్ చావ్లా
ఇప్పటివరకు 165 మ్యాచ్లు ఆడిన పీయూష్ చావ్లా 157 వికెట్లు సాధించాడు. లీగ్లో చెన్నై సూపర్ కింగ్స్, కోల్కతా నైట్రైడర్స్, పంజాబ్ కింగ్స్కూ ప్రాతినిథ్యం వహించాడు. ఐపీఎల్ 2022 వేలంలో పీయూష్ చావ్లాను ఏ ఫ్రాంచైజీ కొనుగోలు చేయలేదు.
పీయూష్ చావ్లా బెస్ట్ బౌలింగ్ ఫిగర్స్: 4/17
హర్భజన్ సింగ్
ఐపీఎల్లో 163 మ్యాచ్లాడిన హర్భజన్ సింగ్ 150 వికెట్లతో ఐదో స్థానంలో నిలిచాడు. గతేడాది వ్యక్తిగత కారణాల వల్ల లీగ్కు భజ్జీ దూరమయ్యాడు.
హర్భజన్ సింగ్ బెస్ట్ బౌలింగ్ ఫిగర్స్: 5/18
ఆ తర్వాత ఈ జాబితాలో ఆరో స్థానంలో రవిచంద్రన్ అశ్విన్ (150) వికెట్లతో నిలిచాడు. ఈ ఏడాది రాజస్థాన్ రాయల్స్ తరఫున ఆడబోతున్నాడు.
ఇదీ చదవండి: Gujarat Titans: జేసన్ రాయ్ స్థానంలో ఆ ఓపెనర్!
