ఆదివారం బెంగళూరు-చెన్నై ఐపీఎల్ మ్యాచ్ ఎంతో ఉత్కంఠభరితంగా సాగింది. చివర బంతి వరకు గెలుపు ఎవరిదో తేల్చుకోలేకపోయారు. ఈ మ్యాచ్లో కెప్టెన్ ధోని బ్యాటింగ్ చూసి భయపడ్డానని ఆర్సీబీ కెప్టెన్ విరాట్ కోహ్లీ అన్నాడు.
" మ్యాచ్ ఎంతో ఉద్వేగంగా సాగింది. 19వ ఓవరు వరకు గెలుపు మాదే అనుకున్నాం. కానీ ధోని వీర విహారంతో మ్యాచ్ చేజారుతుందేమో అనుకున్నాం. చివరకు ఒక్క పరుగు తేడాతో విజయం సాధించాం. బౌలర్లపై విరుచుకుపడిన మహీ మమ్మల్ని భయపెట్టేశాడు" -కోహ్లీ, ఆర్సీబీ కెప్టెన్
ఈ మ్యాచ్లో చెలరేగి ఆడిన ధోని.. 48 బంతుల్లో 84 పరుగులు చేసి నాటౌట్గా నిలిచాడు.
ఈ సీజన్లో 10 మ్యాచ్‌లు ఆడి 6 పాయింట్లు దక్కించుకున్న ఆర్సీబీకి ఇంకా ప్లేఆఫ్‌ అవకాశాలు సజీవంగానే ఉన్నాయి. 24న జరిగే మ్యాచ్లో కింగ్స్‌ ఎలెవన్‌ పంజాబ్‌తో ఆర్సీబీ తలపడనుంది.
ఇది చదవండి: ధోని విజృంభించినా.. బెంగళూరుదే విజయం
