బెయిర్​ 'షో'...వార్నర్​ 'రీ' ఇన్నింగ్స్​​

హైదరాబాద్​ వేదికగా రాయల్​ ఛాలెంజర్స్​ బెంగళూరు, సన్​రైజర్స్​ హైదరాబాద్​ ​మధ్య జరిగిన మ్యాచ్​లో భారీగా రికార్డులు నమోదయ్యాయి.

సన్​రైజర్స్​ హైదరాబాద్​, రాయల్​ ఛాలెంజర్స్​ బెంగళూరు మధ్య జరిగిన మ్యాచ్​లో పరుగుల వరద పారింది. సిక్సర్లు, ఫోర్లతో చెలరేగారు హైదరాబాద్​ ఓపెనర్లు. 232 పరుగుల భారీ లక్ష్యాన్ని కోహ్లీ సేన ముందు ఉంచింది. ఛేదించలేక 113 పరుగులకే ఆలౌటయింది బెంగళూరు. ఈ మ్యాచ్​లో బెయిర్​ స్టో (56 బంతుల్లో 114 పరుగులు ), డేవిడ్​ వార్నర్​ (55 బంతుల్లో 100* పరుగలు) విధ్వంసంతో పలు కొత్త రికార్డులు నమోదయ్యాయి.

118 పరుగుల తేడాతో సన్​రైజర్స్​ విజయం

1. ఐపీఎల్​ చరిత్రలో సన్​రైజర్స్ చేసిన భారీ స్కోరు ఇదే.​
2. రాయల్​ ఛాలెంజర్స్​ బెంగళూరు జట్టుపై ఏ జట్టుకైనా ఇది రెండో అత్యధిక స్కోరు. అంతకుముందు 232 పరుగులు చేసిన పంజాబ్​ మొదటస్థానంలో ఉంది.

• సీజన్​లో బెయిర్​ 'షో'...

56 బంతుల్లో 114 ( 12 ఫోర్లు, 7 సిక్సులు) పరుగులు చేసిన బెయిర్​స్టో ఐపీఎల్​లో తొలి శతకాన్ని సాధించాడు.

ఈ ఐపీఎల్​ సీజనే బెయిర్​స్టోకు మొదటిది. తన మూడో మ్యాచ్​లోనే సెంచరీ సాధించి రికార్డు సృష్టించాడు. మెకల్లమ్​​, హస్సీ తమ తొలి ఇన్నింగ్స్​లలోనే శతకాలు కొట్టి స్టో కంటే ముందున్నారు.

శతకాలతో చెలరేగిన బెయిర్​ స్టో, వార్నర్​

• ఒకే ఇన్నింగ్స్​లో రెండు శతకాలు...
  ఓపెనర్లుగా బరిలోకి దిగిన డేవిడ్​ వార్నర్​, బెయిర్​ స్టో బెంగళూరు జట్టు బౌలర్లను ఓ ఆటాడుకున్నారు. ఇద్దరూ శతకాలతో చెలరేగిపోయారు.
  

  శతకం అనంతరం వార్నర్​ ఉత్సాహం

1. వార్నర్​కు ఐపీఎల్​లో ఇది నాలుగో సెంచరీ కావడం విశేషం. గేల్​ 6 శతకాలతో టాప్​లో ఉన్నాడు.
2. ఒకే ఇన్నింగ్స్​లో రెండు సెంచరీలు నమోదవటం ఐపీఎల్​లో ఇది రెండోసారి.

ఆటగాళ్లు	జట్టు - ప్రత్యర్థి	వేదిక	సంవత్సరం
కోహ్లీ, డివిలియర్స్	ఆర్సీబీ - గుజరాత్​ లయన్స్​	బెంగళూరు	2016
డేవిడ్​ వార్నర్​, బెయిర్​ స్టో	సన్​రైజర్స్ -​ ఆర్సీబీ	హైదరాబాద్	2019

• మెగా భాగస్వామ్యం...

ఐపీఎల్​ చరిత్రలో వీరిద్దరి జంటే ఓపెనింగ్​ దిగి అత్యధిక భాగస్వామ్యాన్ని నెలకొల్పింది.​

పరుగులు	ఆటగాళ్లు	జట్టు	వేదిక	సంవత్సరం
185*	వార్నర్​ - బెయిర్​స్టో	బెంగళూరు	హైదరాబాద్	2019
184	గంభీర్​-క్రిస్​లిన్​	గుజరాత్​ లయన్స్	రాజ్​కోట్	2017
167	గేల్​ -దిల్షాన్​	పుణె వారియర్స్	బెంగళూరు	2013
163*	సచిన్​ - డ్వేన్​ స్మిత్​	రాజస్థాన్​ రాయల్స్	జైపుర్	2012

వరుసగా మూడు సార్లు...

వరుసగా ఆడిన మూడు మ్యాచ్​ల్లోనూ వందకు పైగా భాగస్వామ్యం నెలకొల్పారు డేవిడ్​ వార్నర్​, బెయిర్​ స్టో. ఐపీఎల్​లో తొలిసారి ఈ ఘనత సాధించిన ఆటగాళ్లుగా రికార్డు సాధించారు.

పరుగులు	ప్రత్యర్థి	వేదిక
118	కోల్​కతా నైట్​రైడర్స్​	కోల్​కతా
110	రాజస్థాన్​ రాయల్స్	హైదరాబాద్​
103*	రాయల్​ ఛాలెంజర్స్​ బెంగళూరు	హైదరాబాద్​