ఆండ్రీ రసెల్.. ప్రస్తుతం ఐపీఎల్లో మార్మోగుతున్న పేరు. ప్రత్యర్థి ఎవరైనా సరే విధ్వంసక బ్యాటింగ్తో వారిని భయపెడుతున్నాడు. ఇలా రాణించడానికి క్రికెటర్ క్రిస్ గేల్.. ప్రధాన కారణమని చెప్పాడు. కోల్కతా నైట్రైడర్స్కు ప్రాతినిధ్యం వహిస్తున్న ఈ కరిబీయన్ క్రికెటర్ ప్రస్తుతం బీభత్సమైన ఫామ్లో ఉన్నాడు. 9 మ్యాచ్లాడి 220.46 సగటుతో 377 పరుగులు చేశాడు.
శుక్రవారం ఈడెన్ గార్డెన్స్ వేదికగా జరిగిన మ్యాచ్లో కేవలం 25 బంతుల్లో 65 పరుగులు చేసి ఆకట్టుకున్నాడు. ఇందులోని 62 పరుగులు బౌండరీల ద్వారా వచ్చినవే. ఈ టోర్నీలో ఇప్పటివరకు 39 సిక్స్లు కొట్టాడీ బ్యాట్స్మన్. 26 సిక్స్లతో గేల్.. తర్వాతి స్థానంలో ఉన్నాడు.
"నా ఆట మారేందుకు క్రిస్ గేల్ ప్రధాన కారణం. అతడి నుంచి ఎన్నో నేర్చుకున్నాను. నేను తేలికైన బ్యాట్స్ ఉపయోగించేవాడ్ని. 2016 టీట్వంటీ ప్రపంచకప్ సమయంలో నా దగ్గరకు వచ్చిన గేల్.. బరువైన బ్యాట్ వాడాలని సలహా ఇచ్చాడు. అప్పటి నుంచి నా ఆట తీరు మారిపోయింది" -ఆండ్రీ రసెల్, కరీబియన్ క్రికెటర్
ఈ ఐపీఎల్ సీజన్లో కోల్కతా.. కొన్ని మ్యాచ్ల్లో గెలవడానికి రసెల్ ప్రధాన కారణం. బంతితో, బ్యాటుతోనూ రాణిస్తూ క్రికెట్ అభిమానుల్ని ఆకట్టుకుంటున్నాడు.
