ఇటీవల పురుషుల వన్డేలో మహిళా అంపైర్ (క్లేర్ పొలొసాక్)ను మరువక ముందే మరోసారి మహిళకు కీలక పదవినిచ్చింది ఐసీసీ. తాజాగా అంతర్జాతీయ మ్యాచ్ రిఫరీల ప్యానెల్లో మాజీ క్రికెటర్ జీ ఎస్ లక్ష్మీని నియమించింది. ఈ ఘనత సాధించిన తొలి మహిళగా రికార్డు సాధించింది లక్ష్మీ. ఈ నిర్ణయంతో ఆమెకు అంతర్జాతీయ మ్యాచుల్లో రిఫరీగా పనిచేసే అవకాశం దక్కింది.
"అంతర్జాతీయ రిఫరీ ప్యానెల్లో అవకాశం వచ్చినందుకు ఎంతో ఆనందంగా ఉంది. భారత క్రికెటర్గా, మ్యాచ్ రిఫరీగా బాధ్యతలు నిర్వహించాను. నాకు దక్కిన ఈ గౌరవాన్ని నా అనుభవంతో సక్రమంగా నిర్వర్తించేందుకు కృషి చేస్తాను" - జీ ఎస్ లక్ష్మీ, భారత మాజీ క్రికెటర్, రిఫరీ
51 ఏళ్ల లక్ష్మీ దేశవాళీ మహిళ క్రికెట్లో 2008-09 సీజన్కు రిఫరీగా సేవలందించింది. అంతేకాకుడా మూడు మహిళా వన్డేలు, టీ 20 మ్యాచుల్లో రిఫరీగా బాధ్యతలు నిర్వర్తించింది. లక్ష్మీతో పాటు లోరెన్, కిమ్ కాటన్, శివాని మిశ్రా, సూయ్ రెడ్ఫెర్న్, మేరీ వాల్డ్రన్, జాక్వలిన్ విలియమ్స్ తదితరులు ఈ ప్యానెల్లో ఉన్నారు.
ఇవీ చదవండి: ప్రపంచ తొలి త్రీడీ చిత్రంలో 2 ముగింపులు
'ప్రపంచకప్ పోరుకు అన్ని అస్త్రాలు సిద్ధం'
