వన్డే ర్యాంకింగ్స్​లో ఈ బ్యాటర్లదే హవా - ప్రపంచంలోనే ఏకైక ప్లేయర్​గా వివ్ రిచర్డ్స్​!

ICC ODI Ranking : క్రికెట్​లో ఆటగాళ్ల ప్రదర్శనను బట్టి ఐసీసీ వారికి ర్యాంక్​లు కేటాయింస్తుంది. అయితే రేటింగ్స్ ఆధారంగా ఈ ర్యాంకింగ్స్ మారుతుంటాయి. ఈ క్రమంలో ఐసీసీ ఇటీవల రిలీజ్ చేసిన వన్డే ర్యాంకింగ్స్​లో టీమ్ఇండియా బ్యాటర్ గిల్ టాప్ పొజిషన్​కు చేరుకున్నాడు. మరి వన్డే ర్యాంకింగ్స్​లో ఎక్కువ రోజులు టాప్​ ప్లేస్​లో కొనసాగిన బ్యాటర్లు ఎవరో తెలుసా?

ICC ODI Ranking : అంతర్జాతీయ క్రికెట్ కౌన్సిల్.. బుధవారం విడుదల చేసిన వన్డే ర్యాంకింగ్స్​లో టీమ్ఇండియా బ్యాటర్ శుభ్​మన్ గిల్ (830 రేటింగ్స్​)తో టాప్ ర్యాంక్​ను సొంతం చేసుకున్న విషయం తెలిసిందే. ఈ క్రమంలో టీమ్ఇండియా నుంచి వన్డే ర్యాంకింగ్స్​లో అగ్ర స్థానాన్ని దక్కించుకున్న నాలుగో బ్యాటర్​గా శుభ్​మన్ నిలిచాడు. అతడి కంటే ముందు మాస్టర్ బ్లాస్టర్ సచిన్ తెందూల్కర్, టీమ్ఇండియా మాజీ కెప్టెన్ మహేంద్రసింగ్ ధోనీ, స్టార్ బ్యాటర్ విరాట్ కోహ్లీ టాప్​ పొజిషన్​కు చేరుకున్నారు.

ఇదివరకు ఈ స్థానంలో దాదాపు 952 రోజులపాటు.. పాకిస్థాన్ స్టార్ బ్యాటర్ బాబర్ అజామ్ కొనసాగాడు. ప్రస్తుత వన్డే వరల్డ్​కప్​లో పేలవ ప్రదర్శన కారణంగా బాబర్ ర్యాంకింగ్స్​లో రెండో స్థానానికి పడిపోయాడు. ప్రస్తుతం బాబర్ (824 రేటింగ్స్​) తో రెండో ప్లేస్​లో కొనసాగుతున్నాడు. ఈ క్రమంలో వన్డే ర్యాంకింగ్స్​ బ్యాటింగ్ విభాగంలో ఎక్కువ రోజులు టాప్​ ప్లేస్​లో కొనసాగిన టాప్​ 5 బ్యాటర్లు ఎవరో తెలుసుకుందామా?

వన్డే​ ర్యాంకింగ్స్​లో ఎక్కువ రోజులు ఆగ్ర స్థానంలో కొనసాగిన బ్యాటర్లు..

1. బ్రియన్ లారా.. . వెస్టిండీస్ దిగ్గజం బ్రియన్ లారా తన వన్డే కెరీర్​లో.. 2104 రోజులు టాప్​లో కొనసాగాడు. అందులో 1996 మార్చి 9 నుంచి, 1999 జనవరి 21 వరకు వరుసగా 1049 రోజులు అగ్ర స్థానంలో ఉన్నాడు.
2. వివ్ రిచర్డ్స్​.. వివ్ రిచర్డ్స్​.. 1984 జనవరి 8 నుంచి 1988 అక్టోబర్ 20 వరకు వరుసగా 1748 రోజులు టాప్ పొజిషన్​లో కొనసాగాడు. ప్రపంచలో ఏ బ్యాటర్​ కూడా ఇన్ని రోజులు వరుసగా టాప్​ ప్లేస్​లో ఉండలేదు.
3. విరాట్ కోహ్లీ.. టీమ్ఇండియా స్టార్ బ్యాటర్ విరాట్ కోహ్లీ.. తన కెరీర్​లో 1493 రోజులు తొలి ర్యాంక్​లో ఉన్నాడు. ఇందులో 2017 అక్టోబర్ 22 నుంచి 2021 ఏప్రిల్ 1 వరకు వరుసగా 1258 రోజులు టాప్​లో ఉన్నాడు.
4. ఏబీ డివిలియర్స్​.. సౌతాఫ్రికా మిస్టర్ 360 ప్లేయర్ ఏబీ డివిలియర్స్.. కెరీర్​లో 1480 రోజులు వన్డే ర్యాంకింగ్స్​లో అగ్రస్థానంలో ఉన్నాడు.
5. మిచెల్ బెవన్.. ఆస్ట్రేలియా బ్యాటర్ మిచెల్ బెవన్.. 1392 రోజులు టాప్​ పొజిషన్​లో కొనసాగాడు. అతడు 1999 జనవరి 23 నుంచి 2002 జులై 3 వరకు ఈ ప్లేస్​లో ఉన్నాడు.
6. డీన్ జాన్స్.. ఆస్ట్రేలియా బ్యాటర్ డీన్ జాన్స్ .. వరుసగా 1146 రోజులు ఫస్ట్​ ర్యాంక్​లో కొనసాగాడు.
7. బాబర్ ఆజామ్.. 2021 ఏప్రిల్ 14 నుంచి 2023 నవంబర్ 8 వరకు వరుసగా 951 రోజులు బాబర్ అగ్రస్థానంలో కొనసాగాడు.