Daaku Maharaj Success Celebrations : నందమూరి బాలకృష్ణ లీడ్ రోల్లో తెరకెక్కిన 'డాకు మహారాజ్' బాక్సాఫీస్ వద్ద సూపర్ హిట్ టాక్తో దూసుకుపోతోంది. బాబీ దర్శకత్వంలో తెరకెక్కిన ఈ సినిమా జనవరి 12న రిలీజై మంచి విజయం దక్కించుకుంది. దీంతో మేకర్స్ సక్సెస్ సంబరాలు నిర్వహించారు. ఈ ఈవెంట్కు నటసింహం బాలయ్య, మూవీటీమ్తో సహా పలువురు టాలీవుడ్ హీరోలు సైతం హాజరై సందడి చేశారు.
అయితే ఈ ఈవెంట్లో బాలయ్య డ్యాన్స్ హైలైట్గా నిలిచింది. బాలీవుడు బ్యూటీ ఊర్వశీ రౌతేలాతో ఆయన లైవ్ పెర్ఫార్మెన్స్ ఇచ్చారు. ఆమెతో హుషారుగా స్టెప్పులేసి ఆకట్టుకున్నారు. ప్రస్తుతం దీనికి సంబంధించిన వీడియో సోషల్ మీడియాలో వైరల్గా మారింది. ఇక 'బాలయ్యా మజాకా', 'జై బాలయ్య' అంటూ అభిమానులు కామెంట్లు పెడుతున్నారు.
💃🏻🕺🏻 pic.twitter.com/aLXKtQBs6r
— Manobala Vijayabalan (@ManobalaV) January 13, 2025
విష్వక్, సిద్ధూ కూడా
ఈ సక్సెస్ సంబరాల్లో యంగ్ హీరోలు విష్వక్సేన్, సిద్ధూ జొన్నలగడ్డ కూడా పాల్గొన్నారు. ఈవెంట్లో బాలయ్యతో కలిసి చేసిన ఫన్నీ వీడియోను హీరో విష్వక్ సోషల్ మీడియాలో పోస్ట్ చేశారు. ఇందులో బాలయ్య 'నా సక్సెస్ ఇండస్ట్రీ సక్సెస్' అంటూ మాట్లాడడం ప్రేక్షకుల్ని ఆకట్టుకుంటుంది.
అక్కడ భారీ ఈవెంట్
ఇక డాకు మహారాజ్ విజయంతో సక్సెస్ మీట్ నిర్వహించేందుకు సిద్ధంగా ఉన్నట్లు మేకర్స్ చెప్పారు. ఈ వారంలోనే ఏపీలోని అనంతపురం వేదికగా భారీ ఈవెంట్ నిర్వహించేందుకు సన్నాహాలు చేస్తున్నట్లు నిర్మాత నాగవంశీ చెప్పారు.
ఇక సినిమా విషయానికొస్తే, 'డాకు మహారాజ్'లో హీరోయిన్లుగా ప్రగ్యా జైస్వాల్, శ్రద్ధ శ్రీనాథ్ నటించారు. ఊర్వశీ రౌతెలా స్పెషల్ సాంగ్లో బాలయ్యతో కలిసి ఆడిపాడారు. బాలీవుడ్ స్టార్ నటుడు బాబీ దేఓల్ కీలక పాత్రలో కనిపించారు. ఎస్ఎస్ తమన్ సంగీతం అందించారు. సితార ఎంటర్టైన్మెంట్ బ్యానర్పై నిర్మాత నాగవంశీ ఈ సినిమా నిర్మించారు. కాగా, 'డాకు మహారాజ్' డిజిటల్ హక్కులను ప్రముఖ ఓటీటీ ప్లాట్ ఫామ్ నెట్ ఫ్లిక్స్ భారీ ధరకు దక్కించుకున్నట్లు తెలుస్తోంది. ఈ మూవీ మార్చి 2 లేదా మూడో వారంలో స్ట్రీమింగ్ కు వచ్చే అవకాశం ఉంది.
బ్లాక్బస్టర్ 'డాకు మహారాజ్'- OTTలో బాలయ్య మాస్ జాతర ఎప్పుడంటే?
బాలయ్య ఫ్యాన్స్కు అదిరే న్యూస్- 'డాకు మహారాజ్' ప్రీక్వెల్ కూడా ఉందంట!
