బీసీసీఐ అధ్యక్షుడు గంగూలీ.. త్వరలోనే ప్రపంచ క్రికెట్కు బాస్ కాబోతున్నాడా? ఐసీసీ అధ్యక్ష పదవి రేసులో ఉన్నాడా? అంటే అవుననే సమాధానం భారత క్రికెట్లో కొంతకాలంగా జోరుగా ప్రచారం సాగుతోంది.
అయితే తాజాగా దీనిపై దాదా స్పందించాడు. "ఇవన్నీ ఊహాగానాలు. ఎవరికి నచ్చింది వాళ్లు రాసుకుంటున్నారు. అది సరైన పద్ధతి కాదు. ఐసీసీ చీఫ్ పదవి అనేది అంత ఆషామాషీ వ్యవహారం కాదు. అయినా ఆ రేసులో నేను లేను. నా చేతుల్లో ఏమీ లేదు. బీసీసీఐ, కేంద్ర ప్రభుత్వం నిర్ణయమే ఈ విషయంలో తుది నిర్ణయం తీసుకుంటుంది" అని స్పష్టం చేశాడు.
కాగా, ప్రస్తుత ఐసీసీ ఛైర్మన్ గ్రెగ్ బార్ల్కే(న్యూజిలాండ్) పదవీకాలం.. ఈ ఏడాది నవంబరుతో ముగియనుండటం వల్ల ఆ పదవి ఎవరిని వర్తిస్తుందోనని క్రికెట్ వర్గాలు ఆసక్తిగా ఎదురుచూస్తున్నాయి. గతంలో ఈ పదవిలో నలుగురు భారతీయులు పనిచేశారు. బీసీసీఐ మాజీ అధ్యక్షుడు జగ్మోహన్ దాల్మియా, మాజీ కేంద్ర మంత్రి శరద్ పవార్, చెన్నై సూపర్ కింగ్స్ అధినేత శ్రీనివాసన్, సీనియర్ న్యాయవాది శశాంక్ మనోహర్‌ ఐసీసీ చైర్మన్‌ హోదాలో పని చేశారు.
ఇదీ చూడండి: అఖిల భారత ఫుట్బాల్ సమాఖ్యను సస్పెండ్ చేసిన ఫిఫా
