టీ20 జట్టులో ఆల్రౌండర్లు కీలక పాత్ర పోషిస్తారని టీమ్ఇండియా మాజీ సారథి కపిల్ దేవ్(Kapil Dev All Rounder ) అన్నాడు. ఆల్రౌండర్లపై భారత జట్టు మరింత శ్రద్ధ వహించాలని సూచించాడు. ప్రస్తుతం భారత జట్టులో గొప్ప నైపుణ్యం ఉన్న ఆటగాళ్లున్నారని ప్రశంసించాడు. అయితే.. బ్యాటింగే కాకుండా బౌలింగ్ చేయడానికీ ప్రయత్నించాలని.. కీలక సమయాల్లో అది ఉపయోగపడుతుందని అభిప్రాయపడ్డాడు.
"ఒకవేళ ఓ ఆటగాడికి గాయమైతే.. టీమ్ వేరే ఆటగాడితో సరిపెట్టుకుంటుంది. కానీ, ఆల్రౌండర్లు ఇద్దరూ గాయపడితే.. చాలా ఇబ్బందులు ఎదుర్కోవాలి. ఇలాంటి సమస్యలు రాకుండా బ్యాటింగ్ ఆల్రౌండర్ ఒకరు, బౌలింగ్ ఆల్రౌండర్ ఒకరు జట్టులో ఉండటం చాలా మంచిదని నా అభిప్రాయం. సచిన్ తెందుల్కర్, సౌరవ్ గంగూలీ బ్యాట్స్మెన్. కానీ, వాళ్లు క్లిష్ట పరిస్థితుల్లో బౌలింగ్ కూడా చేయగలరు. విరాట్, రోహిత్ మాత్రం అసలు బౌలింగ్ చేయడం లేదు. టీ20లో ఇలా ఉండకూడదు. ప్రతి ఒక్కరు కొన్ని ఓవర్లైనా వేయడానికి ప్రయత్నించాలి."
-కపిల్ దేవ్, టీమ్ఇండియా మాజీ కెప్టెన్.
టీ20లో ఇద్దరు ఆల్రౌండర్లు ఉంటడం చాలా ముఖ్యమని చెప్పిన కపిల్ దేవ్.. హార్ధిక్ పాండ్య(Hardik Pandya News) మెరుగైన బ్యాటింగ్ ఆల్రౌండర్ అని తెలిపాడు. బ్యాటింగ్, బౌలింగ్ ఆల్రౌండర్లు ఇద్దరూ ఉంటే టీమ్ బాధ్యత వహించేందుకు మరో ఇద్దరు ఎక్స్ట్రా ఆటగాళ్లు జట్టులో ఉన్నట్లు అవుతుందని పేర్కొన్నాడు. ఒకే ఆల్రౌండర్ ఉంటే కెప్టెన్కు ఇక్కట్లు తప్పవని అభిప్రాయపడ్డాడు.
ప్రస్తుతం టీమ్ఇండియాలో(Team India All Rounder) హార్ధిక్ పాండ్యా, రవీంద్ర జడేజా, కృనాల్ పాండ్యా ఆల్రౌండర్లుగా రాణిస్తున్నారు. వీరితో పాటు మరికొందరు ఆటగాళ్లు కూడా బౌలింగ్, బ్యాటింగ్లో మెప్పిస్తున్నారు.
ఇదీ చదవండి:'అనుకోకుండా ఆల్‌రౌండర్‌గా మారా'
