ఇంగ్లాండ్తో వన్డే సిరీస్ ఆడుతున్న టీమ్ఇండియా మహిళ జట్టు నిరాశపరిచింది. భారత కాలమానం ప్రకారం బుధవారం రాత్రి జరిగిన ఈ మ్యాచ్లో 5 వికెట్ల తేడాతో ఓడిపోయింది. ఇప్పటికే తొలి మ్యాచ్లో ఓటమిపాలైంది. దీంతో మరో మ్యాచ్ మిగిలుండగానే ఆతిధ్య ఇంగ్లీష్ జట్టు సిరీస్ను సొంతం చేసుకుంది.
టాస్ గెలిచిన ఇంగ్లాండ్.. భారత్కు బ్యాటింగ్ అప్పగించింది. దీంతో నిర్ణీత 50 ఓవర్లు ఆడిన మన మహిళా జట్టు 221 పరుగులకు ఆలౌటైంది. కెప్టెన్ మిథాలీరాజ్ (59), షెఫాలీ వర్మ(44) మినహా అందరూ విఫలమయ్యారు.
అనంతరం ఛేదనలో ఇంగ్లాండ్లో ఆచితూచి ఆడింది. లక్ష్యాన్ని 47.3 ఓవర్లలో పూర్తిచేసి, విజయం సాధించింది. సోఫియా డంక్లీ 73 పరుగులు చేయగా, విన్ఫీల్డ్ 42 పరుగులు చేసింది. ఐదు వికెట్లు తీసిన ఇంగ్లాండ్ బౌలర్ కేట్ క్రాస్.. ప్లేయర్ ఆఫ్ ది మ్యాచ్గా నిలిచింది. చివరి వన్డే శనివారం జరగనుంది.
ఇవీ చదవండి:
