రెండో టీ20లో అద్భుతమైన విజయం సొంతం చేసుకున్న కోహ్లీసేన.. మూడో టీ20లోనూ సత్తాచాటి సిరీస్పై పట్టు సాధించాలని ఊవిళ్లూరుతోంది. కెప్టెన్ కోహ్లీతో పాటు యువ ఆటగాళ్లూ రాణిస్తున్న వేళ టీమ్ఇండియా శిబిరంలో సరికొత్త జోష్ కనపడుతోంది. ఇదే ఉత్సాహంతో మూడో టీ20లోనూ విజయం సాధించాలని.. భారత జట్టు వ్యూహాలకు పదునుపెడుతోంది.
మొతేరాలో టీమ్ఇండియా, ఇంగ్లాండ్ మధ్య జరగనున్న మూడో టీ20కు ఎర్రమట్టి పిచ్ను తయారు చేయనున్నారని తెలుస్తోంది. ఈ మ్యాచ్ మంగళవారం రాత్రి 7 గంటలకు ప్రారంభంకానుంది.
రోహిత్కు ఛాన్స్!
ఇంగ్లాండ్తో జరిగిన రెండో టీ20లో యువ బ్యాట్స్మన్ ఇషాన్ కిషన్ అర్ధశతకంతో అలరించగా.. కెప్టెన్ కోహ్లీ తనదైన మెరుపు ఇన్నింగ్స్తో జట్టుకు విజయాన్ని తెచ్చిపెట్టాడు. అయితే ఈ మ్యాచ్లో ఓపెనర్ కేఎల్ రాహుల్ డకౌట్ అవ్వడంపై అభిమానులు కలవరానికి గురయ్యారు. తొలి టీ20లోనూ రాహుల్ తన బ్యాటింగ్తో ఆకట్టుకోలేకపోయాడు. ఈ నేపథ్యంలో.. అతడి స్థానంలో రెండు మ్యాచ్ల్లో విశ్రాంతినిచ్చిన రోహిత్ శర్మకు మూడో టీ20లో ఓపెనర్గా బ్యాటింగ్కు పంపే అవకాశం ఉంది.
మరోవైపు.. రిషబ్ పంత్, శ్రేయస్ అయ్యర్, సూర్యకుమార్ యాదవ్ వంటి ఆటగాళ్లతో టీమ్ఇండియా మిడిల్ ఆర్డర్ బలంగా ఉంది. అటు బౌలింగ్లోనూ మార్పు ఉండకపోవచ్చు.
ఈసారైనా..?
గాయం కారణంగా రెండో టీ20కి దూరమైన మార్క్ వుడ్.. మూడో టీ20కి అందుబాటులో ఉంటాడని ఇంగ్లాండ్ కెప్టెన్ ఇయాన్ మోర్గాన్ చెప్పాడు. ఓపెనర్లు జేసన్ రాయ్ మంచి ఫామ్లో ఉన్నాడు. ఆడిన రెండు టీ20ల్లోనూ అర్ధశతకం వరకు వచ్చి వెనుదిరిగాడు.
స్క్వాడ్స్ అంచనా:
టీమ్ఇండియా: విరాట్ కోహ్లీ (కెప్టెన్), రోహిత్ శర్మ (వైస్కెప్టెన్), కేఎల్ రాహుల్, శిఖర్ ధావన్, శ్రేయస్ అయ్యర్, సూర్యకుమార్ యాదవ్, రిషబ్ పంత్ (వికెట్ కీపర్), హార్దిక్ పాండ్యా, యుజ్వేంద్ర చాహల్, భువనేశ్వర్ కుమార్, అక్షర్ పటేల్, వాషింగ్టన్ సుందర్, శార్దూల్ ఠాకూర్, నవదీప్ సైనీ, దీపక్ చాహర్, రాహుల్ తెవాతియా, ఇషాన్ కిషన్ (రిజర్వ్ వికెట్కీపర్).
ఇంగ్లాండ్: ఇయాన్ మోర్గాన్ (కెప్టెన్), జోస్ బట్లర్, జేసన్ రాయ్, లైమ్ లివింగ్స్టన్, డేవిడ్ మలన్, బెన్ స్టోక్స్, మొయిన్ అలీ, అదిల్ రషీద్, రీసె టాప్లే, క్రిస్ జోర్డాన్, మార్క్ వుడ్, సామ్ కరన్, టామ్ కరన్, సామ్ బిల్లింగ్స్, జానీ బెయిర్స్టా, జోఫ్రా ఆర్చర్.
ఇదీ చూడండి: దంచేసిన ఇషాన్- కోహ్లీ.. భారత్దే గెలుపు
