చెలరేగిన షెఫాలీ, స్మృతి​.. ఆసీస్​పై భారత్​ గెలుపు

మెల్‌బోర్న్‌ వేదికగా ఆస్ట్రేలియాతో జరిగిన టీ20లో భారత మహిళా జట్టు విజయం సాధించింది. కచ్చితంగా గెలవాల్సిన మ్యాచ్​లో 7 వికెట్ల తేడాతో నెగ్గింది. షెఫాలీ, మంధాన బ్యాటింగ్​లో రాణించారు. ఆస్ట్రేలియా బ్యాట్స్​ఉమెన్​ గార్డెనర్​ పోరాటం వృథా అయింది.

ముక్కోణపు టీ20 సిరీస్‌లో భాగంగా ఆస్ట్రేలియా మహిళా జట్టుతో జరిగిన మ్యాచ్​లో భారత్​ భారీ లక్ష్యాన్ని ఛేదించింది. తొలుత బ్యాటింగ్​ చేసిన ఆసీస్​ మహిళల జట్టు.. 20 ఓవర్లలో 5 వికెట్లు కోల్పోయి 173 పరుగులు చేసింది. అనంతరం లక్ష్యాన్ని 3 వికెట్లు మాత్రమే కోల్పోయి ఛేదించింది మహిళా టీమిండియా. అద్భుత ఇన్నింగ్స్​ ఆడిన ప్రత్యర్థి జట్టు క్రీడాకారిణి గార్డెనర్​కు 'ప్లేయర్​ ఆఫ్​ ద మ్యాచ్'​ లభించింది.

ఛేజింగ్​లో రాణులు...

భారత జట్టుకు ఛేదన​లో మంచి రికార్డు ఉంది. దీన్ని రుజువుచేస్తూ మరో చక్కటి విజయాన్ని ఖాతాలో వేసుకుంది. భారత బ్యాటింగ్​లో షెఫాలీ 49 (28 బంతుల్లో; 8 ఫోర్లు, 1 సిక్సర్​), స్మృతి మంధాన 55 (48 బంతుల్లో; 7 ఫోర్లు​) మంచి ఓపెనింగ్​ భాగస్వామ్యం ఇచ్చారు. తొలి వికెట్​కు ఈ జోడీ 85 రన్స్​ చేసింది. అయితే షెఫాలీ ఔటయ్యాక స్మృతి నెమ్మిదిగా ఇన్నింగ్స్​ నడిపించింది. ఆమెకు రోడ్రిగ్స్​ (30), హర్మన్​ ప్రీత్ ​(20*) మంచి సహకారం ఇచ్చారు. దీప్తి శర్మ (11*) చివరిలో మ్యాచ్​ ముగించింది.

ఆస్ట్రేలియా బౌలర్లలో ఎలిస్​ పెర్రీ, మేఘన్​ స్కట్​, నికోలా కారే తలో వికెట్​ సాధించారు.

• India too strong at Junction Oval today. We'll be back for a must-win clash against England tomorrow!
  
  Scorecard: https://t.co/qYZh0acKUR #CmonAussie pic.twitter.com/95Unj6Kzdd

  — Australian Women's Cricket Team 🏏 (@AusWomenCricket) February 8, 2020 " class="align-text-top noRightClick twitterSection" data="

  India too strong at Junction Oval today. We'll be back for a must-win clash against England tomorrow!
  
  Scorecard: https://t.co/qYZh0acKUR #CmonAussie pic.twitter.com/95Unj6Kzdd

  — Australian Women's Cricket Team 🏏 (@AusWomenCricket) February 8, 2020

  ">

  India too strong at Junction Oval today. We'll be back for a must-win clash against England tomorrow!
  
  Scorecard: https://t.co/qYZh0acKUR #CmonAussie pic.twitter.com/95Unj6Kzdd

  — Australian Women's Cricket Team 🏏 (@AusWomenCricket) February 8, 2020

గార్డెనర్​ పోరాటం వృథా..

ఆస్ట్రేలియా జట్టుకు ఆరంభ ఓవర్​లోనే షాక్​ తగిలింది. ఎదుర్కొన్న మూడో బంతికే డకౌట్​గా వెనుదిరిగింది కంగారూ జట్టు ఓపెనర్​ అలీసా హేలీ. ఆ తర్వాత బ్యాటింగ్​కు దిగిన గార్డెనర్ ​(93) రన్స్​తో ఇన్నింగ్స్​కు పునాది వేసింది. భారత బౌలర్లను అలవోకగా ఎదుర్కొని పరుగులు రాబట్టింది. మరో ఎండ్​లో బెత్​ మూనే (16), మెక్​ లానింగ్ ​(37), హేన్స్ ​(11*), ఎలిస్​ ఫెర్రీ (13) ఫర్వాలేదనిపించారు.

భారత బౌలర్లలో దీప్తి శర్మ రెండు వికెట్లు తీయగా... రాదా యాదవ్​, హర్లీన్​ డియోల్​, రాజేశ్వరి గైక్వాడ్​ తలో వికెట్​ ఖాతాలో వేసుకున్నారు.

ఈ విజయంతో ట్రై సిరీస్​ రేసులో నిలిచింది భారత జట్టు. రేపు ఇదే వేదికపై ఆస్ట్రేలియా, ఇంగ్లాండ్​ జట్లు తలపడనున్నాయి. ఈ మ్యాచ్​ ఆస్ట్రేలియాకు కీలకం కానుంది.