శనివారం జరిగిన మహిళల టీ20 ఫైనల్లో హర్మన్ప్రీత్ సారథ్యంలోని సూపర్నోవాస్... మిథాలీ కెప్టెన్సీలోని వెలాసిటీని ఓడించింది. టైటిల్ గెలిచింది. టోర్నీలో విజయం చాలా సంతోషకరమని.. ఇంకా ఎక్కువ జట్లు, ఎక్కువ రోజులు ఉంటే బాగుంటుందని అభిప్రాయపడింది హర్మన్ప్రీత్.
చివరి మ్యాచ్లో 51 పరుగులు చేసి జట్టుకు విజయాన్ని అందించింది హర్మన్. మొదటి సారి నిర్వహించిన లీగ్ టైటిల్ గెలవడం సంతోషంగా ఉందని తెలిపింది.
"టోర్నీ చాలా సంతృప్తినిచ్చింది. ఈ లీగ్ ద్వారా చాలా నేర్చుకున్నా. కానీ వచ్చే లీగ్లో మరిన్ని జట్లను ఏర్పాటు చేసి.. ఎక్కువ రోజులు నిర్వహిస్తే బాగుంటుంది. విదేశీ ఆటగాళ్లూ మరిన్ని రోజులు టోర్నీ ఉంటే బాగుండేదని అన్నారు". -హర్మన్ప్రీత్
యువ ఆటగాళ్లు రాధా యాదవ్, రోడ్రిగ్స్, దీప్తి శర్మలకు మంచి భవిష్యత్ ఉందని తెలిపింది. ఇతర లీగ్లలోనూ వారు సత్తాచాటి జాతీయ స్థాయిలోనూ రాణించాలని సూచించింది.
ఇవీ చూడండి.. ఐపీఎల్: ముంబయి మళ్లీ మాయ చేస్తుందా?
