డే, నైట్ టెస్టులో భాగంగా పింక్ బాల్ను సరైన రీతిలో వినియోగించుకుంటే విజయం తమదే అని ధీమా వ్యక్తం చేశాడు ఇంగ్లాండ్ ఫాస్ట్ బౌలర్ మార్క్ వుడ్. భారత్తో జరగనున్న మూడో టెస్టు( ఫిబ్రవరి 24-28) మ్యాచ్ను ఉద్దేశించి ఈ వ్యాఖ్యలు చేశాడు మార్క్.
"జేమ్స్ అండర్సన్, బ్రాడ్లాంటి దిగ్గజ బౌలర్లు మా జట్టులో ఉన్నారు. అనుకున్నట్లుగా బంతి తిరిగితే మా బౌలర్లు సరైన నైపుణ్యం చూపగలరు. మైదానం కూడా పేసర్లకు అనుకూలంగా ఉంటే మాకు ధైర్యం పెరుగుతుంది. మేం విజయం సాధించగలం కూడా."
-వుడ్, ఇంగ్లండ్ ఫాస్ట్ బౌలర్.
భారత్తో అహ్మదాబాద్ టెస్టు కోసం బెయిర్ స్టో, వుడ్ ఇంగ్లండ్ జట్టులో చేరారు. నాలుగు మ్యాచ్ల టెస్టు సిరీస్లో.. ఇరు జట్లు 1-1తో సమంగా ఉన్నాయి. అహ్మదాబాద్లోని మొతెరా స్టేడియంలో మూడు, నాలుగో టెస్టులు జరగనున్నాయి.
ఇదీ చదవండి:ఐపీఎల్ వేలం: ఫ్రాంఛైజీల ఉత్తమ, అనూహ్య నిర్ణయాలు ఇవే!
