వెస్టిండీస్తో తొలి టీ20లో అద్భుత బ్యాటింగ్తో ఆకట్టుకున్నాడు టీమిండియా కెప్టెన్ విరాట్ కోహ్లీ. 94 పరుగులతో ఈ ఫార్మాట్లో అత్యధిక వ్యక్తిగత స్కోరు సాధించాడు. 6 వికెట్ల తేడాతో జట్టు గెలవడంలో కీలక పాత్ర పోషించాడు. భారత్.. ఇప్పటివరకు ఆడిన టీ20ల్లో ఇదే అత్యుత్తమ ఛేదన. ఈ మ్యాచ్లో తన బ్యాటింగ్ గురించి కోహ్లీ మాట్లాడాడు. తన ఆట తొలి అర్ధభాగాన్ని యువ ఆటగాళ్లు ఫాలో కావొద్దని అన్నాడు.
"మూడు ఫార్మాట్లలో ఆడుతున్నందున నా ఆటతీరు మార్చుకోవాలనుకోవట్లేదు. అదే విధంగా ఫార్మాట్ స్పెషలిస్టుగా నాపై ముద్ర ఉండకూడదని అనుకుంటున్నా. భారీ స్కోరు ఛేదనకు దిగినప్పుడు ఒత్తిడిలో దృష్టి మళ్లే అవకాశం ఉంటుంది. క్రీజులో కుదురుకున్నాక షాట్లతో విరుచుకుపడొచ్చు" -విరాట్ కోహ్లీ, టీమిండియా కెప్టెన్
టీ20ల్లో 12వ సారి మ్యాన్ ఆఫ్ ద మ్యాచ్ అవార్డు అందుకున్న కోహ్లీ.. అఫ్గానిస్థాన్ ఆల్రౌండర్ నబీని సమం చేశాడు. వీరి తర్వాత పాక్ మాజీ క్రికెటర్ షాహిద్ అఫ్రిది(11) ఉన్నాడు.
టీ20 సిరీస్లో భాగంగా నేడు(ఆదివారం) భారత్-వెస్టిండీస్ మధ్య రెండో టీ20 తిరువనంతపురంలో జరగనుంది. ఇందులో గెలిచి సిరీస్ సొంతం చేసుకోవాలని టీమిండియా.. ప్రతీకారం తీర్చుకోవాలని విండీస్ చూస్తున్నాయి.