కరోనా మహమ్మారిని ఎదుర్కోవడానికి కావాల్సిన వైద్య పరికరాలు కొనుగోలు చేసేందుకు దేశవ్యాప్తంగా పలువురు ప్రముఖులు తమ సహకారాన్ని అందిస్తున్నారు. ఈ పోరాటంలో భాగంగా రూ.50 లక్షలను తన వంతు విరాళంగా ప్రకటించాడు భారత దిగ్గజ క్రికెటర్ సచిన్ తెందుల్కర్.
"కొవిడ్-19కు వ్యతిరేకంగా చేస్తున్న పోరాటంలో భాగం కావాలనుకున్నా. అందుకే నా వంతుగా కేంద్ర, రాష్ట్ర ప్రభుత్వాలకు చెరో రూ.25 లక్షలు విరాళాన్ని ప్రకటిస్తున్నా."
- సచిన్ తెందుల్కర్, టీమిండియా మాజీ క్రికెటర్
పఠాన్ సోదరులైన ఇర్ఫాన్, యూసుఫ్ 4 వేల మాస్క్‌లను బరోడా పోలీసులకు, ఆరోగ్య విభాగానికి విరాళంగా ప్రకటించారు. టీమిండియా మాజీ కెప్టెన్ మహేంద్ర సింగ్ ధోని రూ.1 లక్ష విరాళం ఇచ్చాడు.
భారతదేశంలో ఇప్పటివరకు 724 మందికి కరోనా వైరస్ సోకగా.. 17 మంది మృతి చెందారు. ఈ మహమ్మారి కారణంగా ప్రపంచవ్యాప్తంగా 24 వేలకు పైగా మరణాలు సంభవించాయి.
ఇదీ చూడండి.. క్రికెటర్ల ఫొటోలతో బీసీసీఐ కరోనా సూచనలు
