తొలి మ్యాచ్లో ఓడి ఎలాగైనా గెలవాలన్న పట్టుదలతో ఉన్నాయి ముంబయి ఇండియన్స్, బెంగళూర్ రాయల్ ఛాలెంజర్స్ జట్లు. టాస్ గెలిచిన బెంగళూరు జట్టు బౌలింగ్ ఎంచుకుంది. భారత జట్టు కెప్టెన్ కోహ్లి, వైస్ కెప్టెన్ రోహిత్ మధ్య పోరు కోసం అభిమానులు ఆత్రుతగా ఎదురుచూస్తున్నారు.
బెంగళూరు జట్టు మొదటి మ్యాచ్లో బౌలింగ్, బ్యాటింగ్ రెండు విభాగాల్లోనూ విఫలమైంది. బ్యాటింగ్లో పార్థివ్ మినహా మరే బ్యాట్స్మెన్ రెండంకెల స్కోరు సాధించలేదు. బౌలింగ్లో చాహల్, ఉమేష్, సిరాజ్, శివమ్ దూబే సత్తా చాటాల్సి ఉంది.
మరోవైపు ముంబయి పరిస్థితి కూడా అలాగే ఉంది. తొలి మ్యాచ్లో యువరాజ్ మినహా ఏ బ్యాట్స్మెన్ అంతగా రాణించలేదు. మలింగ తుది జట్టులోకి రావడం వల్ల ముంబయి బౌలింగ్ మరింత పటిష్ఠంగా మారింది.
