ప్రస్తుతం బెంగళూరు ఎన్సీఏలోని శిక్షణా శిబిరంలో ఉన్న టీమ్ఇండియా క్రికెటర్ రోహిత్ శర్మ.. తాజాగా ముంబయిలోని తీర ప్రాంతమైన అలీబాగ్లో దర్శనమిచ్చాడు. హిట్మ్యాన్ను చూసిన జనం ఫొటోల కోసం ప్రయత్నించారు. ఆ ప్రాంతంలో ఆస్తిని కొనుగోలు చేయడానికి వచ్చినట్లు తెలిసింది. ఆ ప్రాంతాన్ని సందర్శించాక రోహిత్ మళ్లీ ఎన్సీఏకు వెళ్లిపోయాడు.
అలీబాగ్.. ముంబయిలో ఓ పర్యాటక ప్రదేశం. అక్కడే చాలా మంది సెలబ్రిటీలు తమ ఫామ్ హౌస్లను నిర్మించుకున్నారు. లాక్డౌన్లో టీమ్ఇండియా సారథి కోహ్లీ, తన భార్య అనుష్క శర్మ కూడా ఆ ప్రాంతంలోని ఫామ్ హౌస్లోనే గడిపారు.
ఇప్పటికే ఫిట్నెస్ లేమితో ఆసీస్తో జరిగే టెస్టు సిరీస్లోని తొలి రెండు మ్యాచులకు దూరమైన రోహిత్.. చివరి రెండు మ్యాచుల్లో పాల్గొంటాడా లేదా అనే విషయమై ఇంకా స్పష్టత లేదు.
ఇదీ చూడండి : భారత్ ఆట తీరుపై రోహిత్ శర్మ స్పందన
