2019-20 బిగ్బాష్ లీగ్లో మెరుగైన ప్రదర్శన చేసి ఆకట్టుకున్నాడు పాక్ పేసర్ హరీశ్ రవూఫ్. ఇదే జాతీయ జట్టు ఎంపికకు దగ్గర చేసింది. ఒకవేళ ప్రపంచకప్ టీమ్లో అతడికి చోటు దక్కితే, ఈ ఏడాది జరగబోయే టీ20 ప్రపంచకప్లో కీలక పాత్ర పోషించే అవకాశం ఉంది. ఈ విషయమై తాజాగా ఓ ఇంటర్వ్యూలో మాట్లాడుతూ.. ఈ టోర్నీలో అత్యుత్తమ బ్యాట్స్మెన్ అయిన కోహ్లీ, రోహిత్శర్మలను అడ్డుకోవడమే తనకు పెద్ద సవాల్ లాంటిదని చెప్పాడు.
"టీ20 ప్రపంచకప్ కోసం అన్ని దేశాల నుంచి అత్యుత్తమ ఆటగాళ్లు వస్తారు. వారికి బౌలింగ్ వేయడం నిజంగా సవాలు లాంటిది. అత్యుత్తమ ఆటగాళ్లయిన కోహ్లీ, రోహిత్శర్మలను అడ్డుకునేందుకు ఆత్రుతగా ఎదురుచూస్తున్నా. అలాంటి వారికి బౌలింగ్ చేస్తే నా ఆత్మవిశ్వాసం మరింత పెరుగుతుంది. ఇప్పటికే బీబీఎల్లో బాగా ఆడాను. ప్రపంచకప్లో ఇంకా బాగా రాణిస్తానని అనుకుంటున్నా"
-హరీశ్ రవూఫ్, పాక్ పేసర్
గత బీబీఎల్ సీజన్లో అత్యధిక వికెట్ల తీసిన బౌలర్లలో నాలుగో స్థానంలో నిలిచాడు రవూఫ్. మొత్తంగా 10 మ్యాచులాడి 20 వికెట్లు పడగొట్టాడు.
కరోనా వ్యాప్తి రోజురోజుకు తీవ్రమవుతుండటం వల్ల ఆస్ట్రేలియాలో టీ20 ప్రపంచకప్ నిర్వహణపై సందేహాలు వ్యక్తమవుతున్నాయి. టోర్నీ జరుగుతుందా? లేదా? అని క్రికెట్ అభిమానాలు అనుమానం వ్యక్తం చేస్తున్నారు.
ఇదీ చూడండి : 'కోహ్లీ, డివిలియర్స్ అత్యుత్తమ బ్యాట్స్మెన్'
