ధోనీ, కోహ్లీ కాదు.. అత్యంత సంపన్న భారత క్రికెటర్ అతడే​

భారత క్రికెట్​లో అత్యంత సంపన్న క్రికెటర్​ ఎవరా? అనే ప్రశ్న వస్తే మీరేం చెప్తారు. దిగ్గజ సచిన్ తెందుల్కర్, విరాట్ కోహ్లీ, మహేంద్ర సింగ్ ధోనీ అనుకుంటారు. వీరెవరు కాకుండా ఓ ఫస్ట్​క్లాస్ క్రికెటర్ ఈ స్థాయిలో ఉంటాడని ఊహించగలరా? అవును మీరు విన్నది నిజమే. అతడెవరో తెలుసుకోవాలనుందా?

తలచుకుంటే కోట్లలో లావాదేవీలు జరిపే స్థాయి అతడికి ఉంది. ఆస్తితో పాటు పేరు ప్రఖ్యాతలు వారసత్వంగా వచ్చినా, తండ్రి శ్రీమంతుడైనా, నచ్చిన దారిలో వెళుతూ, తనదైన ముద్ర వేయాలని అనుక్షణం తపన పడుతున్నాడు భారత ఫస్ట్​క్లాస్​ క్రికెటర్​ ఆర్యమాన్​ బిర్లా.

తండ్రి చేస్తున్న వ్యాపారంలో చేరకుండా కొన్ని భిన్నమైన ప్రణాళికలు ఏర్పరచుకున్నాడు ఆర్యమాన్​. చిన్న వయసు నుంచే క్రికెట్​పై ఇష్టం పెంచుకున్నాడు. ఆ వైపుగా అడుగులు వేశాడు.

"నా పేరు కారణంగా ఒత్తిడి ఉంటుందని అందరూ అనుకోవచ్చు. కానీ అది నాకిష్టమైన మార్గాన్ని నిర్మించుకోవటానికి ఉపయోగపడుతుంది. మైదానంలో ఆడుతున్నప్పుడు మాత్రం బంతిపైనే దృష్టి ఉండాలి. అది నా బాధ్యత. దాన్ని ముందుకు తీసుకెళ్లడానికే నేను ఇష్టపడతాను"

- ఆర్యమాన్​ బిర్లా, భారత ఫస్ట్​క్లాస్​ క్రికెటర్

ఆర్యమాన్​ కుటుంబానికి చెందిన ఆదిత్య బిర్లా గ్రూప్​లో అతడి తండ్రి కుమార్ మంగళం బిర్లాకు రూ.70 వేల కోట్ల ఆస్తి ఉంది. బిజినెస్ ఇన్​సైడర్ ప్రకారం, 1995లో కుమార్ మంగళం బిర్లా బాధ్యతలు అందుకున్నప్పటి నుంచి వ్యాపారం 26 రెట్లు పెరిగింది. 2015లో 41 బిలియన్ డాలర్లకు చేరుకుంది.

కుడిచేతి గాయంతో ఆర్యమాన్​

మానసిక విశ్రాంతి కోసమే

ఆర్యమాన్ బిర్లాకు ఇష్టమైన క్రికెట్​కు మరికొన్ని నెలలు దూరంగా ఉండనున్నాడు. ఇటీవలే జరిగిన ప్రాక్టీస్ సెషన్​లో కుడిచేతి బొటనవేలికి గాయమైన కారణంగా విశ్రాంతి తీసుకుంటున్నాడు. అయితే తన​ మానసిక ఆరోగ్యంపై దృష్టి పెట్టేందుకే ఆర్యమాన్... క్రికెట్ నుంచి తాత్కాలిక విశ్రాంతి తీసుకున్నట్లు ప్రచారం జరుగుతోంది.

ఇదీ చూడండి.. గాల్లో పల్టీలు కొట్టిన కారు.. రేసర్​కు తీవ్ర గాయాలు