పింక్ టెస్టు విజయం: టీమ్ఇండియాకు కలిసొచ్చిన అంశాలు!

ఇంగ్లాండ్​తో జరిగిన మూడో టెస్టులో ఘనవిజయం సాధించింది టీమ్ఇండియా. రెండు రోజుల్లోనే మ్యాచ్​ను ముగించి విమర్శలూ మూటగట్టుకుంది. స్పిన్నర్లకు అనుకూలించే పిచ్​పై భిన్నాభిప్రాయాలు వ్యక్తమవుతోన్నా.. ఈ మ్యాచ్​లో భారత్​కు కొన్ని అంశాలు మాత్రం సానుకూలంగా కనిపిస్తున్నాయి. అవేంటో చూద్దాం.

ఇంగ్లాండ్​తో జరిగిన మూడో టెస్టులో టీమ్ఇండియా ఘనవిజయం సాధించింది. భారత్​కు కలిసొచ్చే స్పిన్ పిచ్​ను నమ్ముకుని గెలుపు కైవసం చేసుకుని ప్రపంచ ఛాంపియన్ షిప్​ ఫైనల్​కు మార్గం మరింత తేలిక చేసుకుంది. మొదటి టెస్టులో ఓడిన తర్వాత పంథా మార్చుకున్న భారత జట్టు ఆటగాళ్ల ఎంపిక, పిచ్ సెలక్షన్ వంటి అంశాల్లో సరైన నిర్ణయాలు తీసుకుని విజయాల బాట పట్టింది. సిరీస్​లో 2-1 తేడాతో ఆధిక్యంలోకి వెళ్లింది. నరేంద్ర మోదీ స్టేడియం వేదికగా జరిగిన మూడో మ్యాచ్​లోనూ టీమ్ఇండియా విజయంలో కొన్ని అంశాలు సానుకూలంగా కనిపిస్తున్నాయి. అవేంటో చూద్దాం.

1. జట్టు ఎంపిక, బౌలింగ్ విభాగం

విరాట్ కోహ్లీ సారథ్యంలో జట్టు ఎంపిక సరిగా లేదంటూ చాలాసార్లు విమర్శలు వచ్చాయి. అలాగే బౌలింగ్ ప్రణాళికలూ బాగాలేవంటూ మాజీలు మాట్లాడారు. కానీ ఈ మ్యాచ్​లో ఈ రెండు అంశాలపై పట్టు ప్రదర్శించారు కోహ్లీ, మేనేజ్​మెంట్.

ఇందులో మొదటిది కుల్దీప్ యాదవ్​ స్థానంలో వాషింగ్టన్ సుందర్​ను తీసుకోవడం. ఈ నిర్ణయం జట్టుకు కలిసొచ్చింది. ఈ మ్యాచ్​లో ఇతడు కేవలం ఒకే వికెట్ తీసుకున్నా.. బ్యాటింగ్ లైనప్ కాస్త బలంగా కనిపించింది. ఈ మ్యాచ్​లో ఇతడికి బౌలింగ్ వేసే అవకాశం రాకపోయినా.. ఒకే ఓవర్ వేసిన సుందర్ ఒక వికెట్ దక్కించుకున్నాడు.