ఇటీవలే దక్షిణాఫ్రికా, శ్రీలంక పర్యటనల్లో అద్భుత బౌలింగ్తో సత్తాచాటిన పాకిస్థాన్ యువ సంచలనం నసీమ్ షాకు అండర్-19 ప్రపంచకప్ జట్టు నుంచి తొలగించింది ఆ దేశ క్రికెట్ బోర్డు(పీసీబీ) . అంతర్జాతీయ జట్టులో కొనసాగించాలనే ఉద్దేశంతో కావాలనే అతడిని జూనియర్ జట్టుకు ఎంపికచేయలేదని పీసీబీ సీఈఓ వసీం ఖాన్ చెప్పాడు.
"అత్యుత్తమ గణాంకాలతో ఆకట్టుకునే ప్రదర్శన చేశాడు నసీమ్. అంతర్జాతీయ క్రికెటర్గా కొనసాగించాలనే అతడిని అండర్-19 జట్టు నుంచి తొలగించాం. సీనియర్ జట్టులో అతడు ఇంకా నిరూపించుకోవాల్సిన ఆవశ్యకత ఉంది. ప్రస్తుతం పాక్ జాతీయ జట్టులో సభ్యుడిగా ఉన్న నసీమ్.. బౌలింగ్ కోచ్ వకార్ పర్యవేక్షణలో నైపుణ్యాలు మెరుగుపర్చుకుంటున్నాడు. త్వరలో స్వదేశంలో జరగనున్న బంగ్లాదేశ్తో సిరీస్కు అందుబాటులో ఉండనున్నాడు." - వసీం ఖాన్, పీసీబీ సీఈఓ
ఇటీవల దక్షిణాఫ్రికా పర్యటనలో ఒక్కో మ్యాచ్లో మూడు వికెట్ల చొప్పున తీసి ఆకట్టుకున్నాడు. శ్రీలంకతో సిరీస్లో 7 వికెట్లతో సత్తాచాటాడు. ఈ నెలలో సొంతగడ్డపై బంగ్లాదేశ్తో మూడు టీ20ల సిరీస్ ఆడనుంది పాకిస్థాన్.
ఇదీ చదవండి: పరిమిత ఓవర్ల కెప్టెన్గా ధోనీ, టెస్టులకు కోహ్లీ
