న్యూజిలాండ్-ఆస్ట్రేలియా మధ్య జరగనున్న తదుపరి రెండు టీ20 మ్యాచ్లకు ప్రేక్షకులకు అనుమతి నిషేధించింది కివీస్ క్రికెట్ బోర్డు. దేశవ్యాప్తంగా కరోనా వ్యాప్తి మరోసారి అధికమవుతున్న నేపథ్యంలో తాజా నిర్ణయం తీసుకుంది. దీంతో పాటు ఇంగ్లాండ్-న్యూజిలాండ్ మహిళా జట్ల మధ్య జరగనున్న తొలి రెండు టీ20లకు కూడా అభిమానులను రావొద్దని కోరింది.
ఈ మ్యాచ్లు ఆక్లాండ్లో జరగాల్సి ఉండగా.. వాటి వేదికను వెల్లింగ్టన్కు మార్చింది బోర్డు. ఐదో టీ20, మహిళల మూడో టీ20కి సంబంధించి వివరాలు తర్వాత వెల్లడిస్తామని పేర్కొంది.
దేశవ్యాప్తంగా కొవిడ్ రెండో దశ కొనసాగుతుండగా.. ఆక్లాండ్లో వైరస్ తీవ్రత మూడో దశలో ఉందని ఆ దేశ ప్రధాని జెసిండా ఆర్డర్న్ తెలిపారు. దీంతో ఆక్లాండ్లో ఎటువంటి క్రీడలు నిర్వహించకూడదని ప్రధాని స్పష్టం చేశారు.
ఇప్పటివరకు జరిగిన తొలి రెండు టీ20ల్లో న్యూజిలాండ్ విజయం సాధించింది. 5 మ్యాచ్ల టీ20 సిరీస్లో 2-0 ఆధిక్యంలో నిలిచింది ఆతిథ్య జట్టు. మార్చి 3న మూడో టీ20, మార్చి 5న నాల్గో టీ20 జరగాల్సి ఉంది.
ఇదీ చదవండి: సౌతాఫ్రికాతో వన్డే, టీ20లకు భారత మహిళా జట్లు ఇవే
