టెస్టు ఛాంపియన్​షిప్​ను పొడిగించాలి: బీసీబీ

ప్రపంచ టెస్టు ఛాంపియన్​షిప్​ షెడ్యూల్​ను పొడిగించాలని కోరింది బంగ్లాదేశ్​ క్రికెట్​ బోర్డు. తద్వారా కరోనా వల్ల రద్దయిన ఎనిమిది టెస్టులు అడేందుకు అవకాశం ఉంటుందని వెల్లడించింది.

ప్రపంచ టెస్టు ఛాంపియన్​షిప్​ ​షెడ్యూల్​ను పొడిగించాలని ఐసీసీకి విజ్ఞప్తి చేసింది బంగ్లాదేశ్​ క్రికెట్​ బోర్డు. తద్వారా ఇప్పటికే కరోనా వల్ల రద్దయిన ఎనిమిది టెస్టు మ్యాచ్​లను మళ్లీ నిర్వహించేందుకు మార్గం సుగుమం అవుతందని తెలిపింది. లేదంటే డబ్ల్యూటీసీ పాయింట్ల పట్టికలో వెనకపడే అవకాశం ఉందని వెల్లడించింది.

"ఐసీసీ టెస్టు ఛాంపియన్​షిప్​ షెడ్యూల్​ను పొడిగించాలి లేదా సవరించాలి. లేదంటే కరోనా వల్ల రద్దయిన ఎనిమిది టెస్టు మ్యాచ్​లను నిర్వహించడానికి కుదరదు. అలా అయితే కొన్ని జట్లు నష్టపోతాయి. దీనిపై ఐసీసీ ఎలాంటి నిర్ణయం తీసుకుంటుందో అని ఎదురుచూస్తున్నాం."

-బీసీబీ

పాకిస్థాన్​తో వారి గడ్డపై ఓ టెస్టుతో పాటు స్వదేశంలో ఆస్ట్రేలియా(2), న్యూజిలాండ్​(2), శ్రీలంక(3)తో బంగ్లాదేశ్​ టెస్టు సిరీస్​ ఆడాల్సి ఉంది. ప్రణాళిక ప్రకారం రెండేళ్ల వ్యవధిలో జరిగే ప్రపంచ టెస్టు ఛాంపియన్‌షిప్ (డబ్ల్యూటీసీ)లో తొమ్మిది జట్లు చెరో 6 టెస్టు సిరీస్​లు ఆడాలి. స్వదేశంలో మూడు,విదేశీ గడ్డపై మరో మూడు సిరీస్​ల్లో తలపడాలి.

ఇది చూడండి : కోహ్లీతో పోరులో నేనే గెలుస్తా: చాహల్