న్యూజిలాండ్తో జరిగిన ఐదో టీ20లో మూడు వికెట్లతో సత్తాచాటాడు టీమిండియా పేసర్ జస్ప్రీత్ బుమ్రా. జట్టు విజయంలో కీలకపాత్ర పోషించి మ్యాన్ ఆఫ్ ద మ్యాచ్గా నిలిచాడు. అలాగే ఓ రికార్డునూ కైవసం చేసుకున్నాడు.
టీ20 క్రికెట్లో అత్యధిక మెయిడిన్ ఓవర్లు వేసిన బౌలర్గా రికార్డు సృష్టించాడు బుమ్రా. ప్రస్తుతం ఇతడి ఖాతాలో ఏడు మెయిడిన్ ఓవర్లు ఉన్నాయి. ఆరు మెయిడిన్లతో శ్రీలంకకు చెందిన నువాన్ కులశేఖర రెండో స్థానంలో ఉన్నాడు. ఈ మ్యాచ్లో బుమ్రా నాలుగు ఓవర్లు వేసి 12 పరుగులిచ్చి మూడు వికెట్లు దక్కించుకున్నాడు.
ఈ మ్యాచ్లో మొదట బ్యాటింగ్ చేసిన టీమిండియా 163 పరుగులు చేసింది. రోహిత్ శర్మ (60) అర్ధసెంచరీతో ఆకట్టుకోగా, రాహుల్ 45 పరుగులతో రాణించాడు. అనంతరం 164 పరుగుల లక్ష్య ఛేదనలో కివీస్ 156 పరుగులకే పరిమితమైంది. సీఫెర్ట్ (50), టేలర్ (53) అర్ధశతకాలు చేసినా జట్టుకు విజయాన్ని అందించలేకపోయారు.
ఇవీ చూడండి.. పంత్కు కోహ్లీ, విలియమ్సన్ క్లాస్..!
