నరేంద్ర మోదీ స్టేడియం వేదికగా జరుగుతున్న ఐదో టీ20లో టాస్ గెలిచిన ఇంగ్లాండ్ సారథి మోర్గాన్.. బౌలింగ్ ఎంచుకున్నాడు. ఇప్పటికే చెరో రెండు టీ20లు గెలిచిన ఇరు జట్లు చివరి మ్యాచ్లో విజయం సాధించి సిరీస్ను కైవసం చేసుకోవాలని భావిస్తున్నాయి.
ఈ మ్యాచ్ కోసం భారత్ ఒక మార్పు చేసింది. కేఎల్ రాహుల్ను పక్కన పెట్టి.. టీ నటరాజన్కు అవకాశం కల్పించారు. ఓపెనర్గా రోహిత్కు తోడుగా విరాట్ కోహ్లీ రానున్నాడు. వన్డౌన్లో సూర్య కుమార్ యాదవ్ బ్యాటింగ్కు దిగనున్నాడు. కాగా ఇంగ్లాండ్ తమ తుది జట్టులో ఎటువంటి మార్పులు చేయలేదు.
తుది జట్లు:
భారత్: రోహిత్ శర్మ, సూర్యకుమార్ యాదవ్, విరాట్ కోహ్లీ (కెప్టెన్), శ్రేయస్ అయ్యర్, రిషభ్ పంత్ (వికెట్ కీపర్), హార్దిక్ పాండ్య, వాషింగ్టన్ సుందర్, భువనేశ్వర్ కుమార్, శార్దుల్ ఠాకుర్, రాహుల్ చాహర్, టీ నటరాజన్.
ఇంగ్లాండ్: జేసన్ రాయ్, జోస్ బట్లర్ (వికెట్ కీపర్), డేవిడ్ మలన్, జానీ బెయిర్స్టో, ఇయాన్ మోర్గాన్ (కెప్టెన్), బెన్ స్టోక్స్, సామ్ కరన్, జోఫ్రా ఆర్చర్, క్రిస్ జోర్డాన్, ఆదిల్ రషీద్, మార్క్ వుడ్.
ఇదీ చదవండి: టోక్యో ఒలింపిక్స్లో విదేశీ ప్రేక్షకులకు నో ఎంట్రీ
