ఆస్ట్రేలియా వేదికగా ఈ ఏడాది టీ20 ప్రపంచ కప్‌ జరుగుతుందా? లేదా? అన్న ఉత్కంఠకు తెర పడింది. కరోనా వైరస్‌ తీవ్రత కారణంగా ఈ టోర్నీని అంతర్జాతీయ క్రికెట్‌ మండలి(ఐసీసీ) వాయిదా వేసింది. సోమవారం ఈ మెగాటోర్నీపై కమిటీ సభ్యులంతా చర్చించి వాయిదా వేయాలని నిర్ణయం తీసుకున్నారు.
ఈ మెగా టోర్నీకి హాజరయ్యే 16 అంతర్జాతీయ జట్లను క్వారంటైన్లో ఉంచి ఖాళీ స్టేడియంలో నిర్వహించడం అసాధ్యమని తెలిపింది ఐసీసీ.
తాజాగా టీ20 ప్రపంచకప్ వాయిదా నిర్ణయంతో బీసీసీఐకి ఐపీఎల్ను అక్టోబరు-నవంబరులో నిర్వహించడానికి మార్గం సుగమం అయ్యింది.
