జులై 8 నుంచి ఇంగ్లాండ్-వెస్టిండీస్ టెస్టు సిరీస్ ప్రారంభం కానుంది. ఈ నేపథ్యంలో మాట్లాడిన విండీస్ బౌలర్ కీమర్ రోచ్.. తమకు ఇది ప్రఖ్యాత 'యాషెస్' లాంటిదని అన్నాడు. స్వదేశానికి ట్రోఫీ తీసుకెళ్లడమే తమ జట్టు అంతిమ లక్ష్యమని స్పష్టం చేశాడు.
"ఈ సిరీస్లో విజేతగా నిలిచి ట్రోఫీ తీసుకెళ్లడమే మా తొలి ప్రాధాన్యం. ఇంగ్లాండ్పై గెలవడం ముఖ్యమే అయితే దానికి ట్రోఫీ తోడైతే ఆ మజానే వేరు. అలానే ఇది మాకు 'యాషెస్'లాంటిది" -కీమర్ రోచ్, విండీస్ బౌలర్
విండీస్ బౌలర్ కీమర్ రోచ్
అయితే కరోనా లాక్డౌన్ తర్వాత నిర్వహిస్తున్న తొలి సిరీస్ కావడం వల్ల అందరి కళ్లు దీనిపైనే ఉన్నాయి. ఐసీసీ కొత్త నిబంధనలు(బంతికి ఉమ్మి రాయకూడదు వంటివి) దీనితోనే అమల్లోకి రానున్నాయి. ఈ నేపథ్యంలో ఇరుజట్లు ఎలాంటి ప్రదర్శన చేస్తాయోనని క్రికెట్ ప్రేమికులు ఎదురుచూస్తున్నారు.
కరీబియన్ దేశంలో ఈ రెండుజట్ల మధ్య జరిగిన గత టెస్టు సిరీస్లో వెస్టిండీస్ విజేతగా నిలిచింది. ప్రస్తుతం జరిగే 'విజ్డెన్ ట్రోఫీ' సిరీస్ను డ్రా చేసుకున్నా సరే విండీస్కు లాభమే. ఇందులో భాగంగా మూడు మ్యాచ్లు జరగనున్నాయి. వీటిని జులై 8 నుంచి 28 మధ్య జరపనున్నారు.
ఇవీ చదవండి:
