బాల్ ట్యాంపరింగ్ వివాదంతో ఏడాది నిషేధం ఎదుర్కొన్న డేవిడ్ వార్నర్ ఈ ఏడాది జరిగిన యాషెస్ సిరీస్తో రీఎంట్రీ ఇచ్చాడు. ఆ సిరీస్లో పెద్దగా రాణించని ఈ క్రికెటర్.. తర్వాత ఫామ్ అందుకున్నాడు. కెరీర్లో తొలిసారి త్రిశకతం నమోదు చేశాడు. తాజాగా టెస్టుల్లో ఏడు వేల పరుగుల మైలురాయిని చేరుకున్నాడీ ఆస్ట్రేలియా స్టార్ ప్లేయర్. పెర్త్ వేదికగా న్యూజిలాండ్తో జరుగుతున్న తొలి టెస్టులో ఈ ఫీట్ సాధించాడు వార్నర్.
సుదీర్ఘ ఫార్మాట్లో 7వేల రన్స్ చేసిన 12వ ఆసీస్ క్రికెటర్‌గా వార్నర్ నిలిచాడు. 151 ఇన్నింగ్స్ల్లో ఈ రికార్డు అందుకున్నాడు. అంతేకాకుండా వేగంగా ఈ ఫీట్ అందుకున్న ఆసీస్ క్రికెటర్ల జాబితాలో... ఆసీస్ దిగ్గజ ఆటగాడు గ్రెయిగ్‌ చాపెల్‌తో కలిసి 5వ స్థానంలో ఉన్నాడు.
ఇటీవలె స్మిత్ కూడా...
పాకిస్థాన్‌తో రెండో టెస్టులో ఏడు వేల పరుగుల మార్కును వేగంగా అందుకున్న క్రికెటర్‌గా... ఆసీస్ మాజీ కెప్టెన్‌ స్టీవ్‌ స్మిత్ ఇటీవలె రికార్డు సృష్టించాడు. గతంలో వాలీ హేమండ్(131 ఇన్నింగ్స్ల్లో) పేరిట ఉన్న రికార్డును స్మిత్ (126) బ్రేక్ చేశాడు. భారత్ నుంచి వీరేంద్ర సెహ్వాగ్,(134), మాస్టర్ బ్లాస్టర్ సచిన్ తెందూల్కర్ (136), కోహ్లీ(138) ఇన్నింగ్స్ల్లో ఈ ఘనత సాధించారు.
ఈ ఏడాది అత్యధిక టెస్టు పరుగులు సాధించిన ఆటగాళ్ల జాబితాలో ముగ్గురు ఆసీస్ ప్లేయర్లు టాప్-10 నిలిచారు. లబూషేన్‌ వేయికి పైగా రన్స్ చేసి అగ్రస్థానంలో ఉన్నాడు. స్టీవ్‌ స్మిత్ రెండో ర్యాంక్లో, డేవిడ్ వార్నర్ ఆరో స్థానంలో ఉన్నాడు.
