లాక్డౌన్తో ఇంటికే పరిమితమైన ఆటగాళ్లందరూ తమకిష్టమైన వ్యాపకాలతో బిజీగా గడుపుతున్నారు. నిత్యం సోషల్మీడియాలో చురుగ్గా ఉంటూ అభిమానులతో ముచ్చటిస్తున్నారు. తాజాగా ఇన్స్టా లైవ్లో పాల్గొన్న టీమ్ఇండియా సారథి కోహ్లీ, రవిచంద్రన్ అశ్విన్.. క్రికెట్ సహా పలు ఆసక్తికరమైన విషయాల గురించి సంభాషించుకున్నారు. అయితే వీరు మాట్లాడుకుంటున్న సమయంలో వార్నర్ కామెంట్ చేశాడు. వెంటనే కోహ్లీ స్పందించాడు.
"ప్రస్తుతం వార్నర్ టిక్టాక్ వీడియోలు చేస్తూ బిజీగా ఉన్నాడు. అతడు నన్ను కూడా టిక్టాక్ వీడియోలు చేయమని నా వెంట పడుతున్నాడు.త్వరలోనే అతడికి సమాధానమిస్తా "
-కోహ్లీ, టీమ్ఇండియా సారథి.
ఇటీవల బాలీవుడ్ హీరో అక్షయ్ కుమార్కు సంబంధించిన 'బాలా' అనే పాటకు టిక్టాక్ చేశాడు వార్నర్. ఈ వీడియోకు డ్యూయెట్ చేయమని కోహ్లీకి కామెంట్ పెట్టాడు.
ప్రస్తుతం లాక్డౌన్లో టిక్టాక్ చేస్తూ నెట్టింట్లో విజృంభిస్తున్నాడు వార్నర్. తక్కువ వ్యవధిలోనే లక్షలమంది ఫాలోవర్లను సంపాదించుకున్నాడు.
ఇదీ చూడండి : 'విరాట్ కోహ్లీ క్రికెటర్ కాదు మోడల్'
