ఆస్ట్రేలియా వన్డే కెప్టెన్ ఆరోన్ ఫించ్.. 2018లో భారతతో ఆడిన పలు మ్యాచ్ల గురించి తన అనుభవాన్ని భయపెట్టాడు. ఆ సమయంలో భువీ, బుమ్రా చేతిలో ఔటైతున్నట్లు పీడకలలొచ్చేవని చెప్పాడు. తాజాగా అమెజాన్ విడుదల చేసిన డాక్యుమెంట్ సిరీస్ 'ద టెస్టు'లో ఇవన్నీ వెల్లడించాడు.
"అర్థరాత్రి సమయంలో నిద్ర పట్టక బుమ్రా బౌలింగ్ను ఎలా ఎదుర్కోవాలా అని ఆలోచించేవాడిని. బుమ్రా బౌలింగ్ ఆడేందుకు భయమేసేది. అవన్నీ ఆలోచించి పడుకుంటే ఉదయం నిద్ర లేవగానే ఒళ్లంతా చెమటలు పట్టేసేవి. బుమ్రా, భువీ బౌలింగ్లో చాలా ఫన్నీగా ఔటవుతుంటే ఏం చేయాలో అర్థమయ్యేది కాదు."
- ఆరోన్ ఫించ్, ఆస్ట్రేలియా క్రికెటర్
నాలుగు సార్లు భువీ చేతిలోనే..
ఆ పర్యటనలో మూడు ఫార్మాట్లలో ఫించ్ విఫలమయ్యాడు. ఎక్కువగా భువీ ఇన్ స్వింగర్లకు పెవిలియన్ చేరేవాడు. ఒక్క ఈ సిరీస్లోనే భువీ బౌలింగ్లో ఆరు మ్యాచ్ల్లో నాలుగు సార్లు(3 వన్డేలు, ఒక్క టీ20) ఔటయ్యాడు. బోర్డర్ గావస్కర్ టెస్టు సిరీస్లో ఆసీస్తో తలపడిన భారత్... 3-1 తేడాతో ట్రోఫీ సొంతం చేసుకుంది. తొలిసారి ఆస్ట్రేలియా గడ్డపై టీమిండియా సిరీస్ గెలవడం బాగా చర్చనీయాంశమైంది. అంతే కాకుండా వన్డే సిరీస్ను 2-1 తేడాతో గెలిచిన భారత్... టీ20 సిరీస్ను 1-1 తేడాతో డ్రా చేసుకుంది. బుమ్రా నాలుగు మ్యాచ్ల్లో 21 వికెట్లు తీశాడు.
