టీమ్ఇండియా యువ క్రికెటర్ రిషబ్ పంత్.. తనకు వచ్చిన అవకాశాలను అందిపుచ్చుకోవడంలో విఫలమయ్యాడని మాజీ ఆటగాడు ఆకాశ్ చోప్రా విమర్శించాడు. తుదిజట్టులో స్థానం కోల్పోవడానికి ప్రధాన కారణం అతడి ఆటతీరేనని అభిప్రాయపడ్డాడు. ఆస్ట్రేలియాతో సిరీస్లో అవకాశం దక్కకపోవడంపై.. ఆత్మవిమర్శ చేసుకోవాలని పంత్కు సూచించాడు.
"5,6,7 స్థానాల్లో హార్దిక్ పాండ్య, రిషబ్ పంత్, రవీంద్ర జడేజా బ్యాటింగ్ చేస్తే ఎలా ఉంటుందో ఆలోచించండి. వావ్.. అద్భుతమైన టీమ్ కదా? కానీ, పంత్.. ఇక చాలని సరిపెట్టుకున్నట్లు కనిపిస్తుంది. తనకు వచ్చిన అవకాశాలను సద్వినియోగం చేసుకోలేకపోతున్నాడు. ఈ విషయంలో అతడు ఆత్మవిమర్శ చేసుకోవాలి. అవకాశాలను అందిపుచ్చుకోని కారణంగా తనపై తాను కఠినంగా వ్యవహరించుకోవాలి"
- ఆకాశ్ చోప్రా, టీమ్ఇండియా మాజీ క్రికెటర్
తన వైఫల్యం వల్ల పంత్ అన్ని ఫార్మాట్లలో అవకాశాన్ని చేజార్చుకున్నాడని ఆకాశ్ చోప్రా అన్నాడు. "ఆస్ట్రేలియా-ఏ జట్టుతో జరుగుతున్న ప్రాక్టీసు మ్యాచ్లో వృద్దిమాన్ సాహాకు వికెట్ కీపర్గా ఉన్నాడు. దీంతో టెస్టు సిరీస్లో పంత్ తన స్థానం కోల్పోయినట్లు తెలుస్తోంది. అన్ని ఫార్మాట్లకు తానే వికెట్ కీపర్గా ఉన్నప్పటి నుంచి ఛాన్స్ కోసం ఎదురుచూసే పరిస్థితికి అతడు వచ్చాడు" అని ఆకాశ్ అభిప్రాయపడ్డాడు.
