స్టోక్స్​కు సర్జరీ.. మూడు నెలలు క్రికెట్​కు దూరం

గాయం కారణంగా ఐపీఎల్​కు దూరమైన ఇంగ్లాండ్ ఆల్​రౌండర్ బెన్ స్టోక్స్ ఆపరేషన్ కోసం స్వదేశానికి పయనమవనున్నాడు. చికిత్స తర్వాత మూడు నెలల పాటు క్రికెట్​కు దూరమవనున్నాడని ఇంగ్లీష్ క్రికెట్ బోర్డు వెల్లడించింది.

గాయం కారణంగా ఐపీఎల్​కు దూరమైన ఇంగ్లాండ్ స్టార్ ఆల్​రౌండర్​ బెన్‌ స్టోక్స్‌ మూడు నెలలు మైదానాన్ని వీడనున్నాడు. ఎక్స్​రే, సిటీ స్కాన్ తీయించుకోగా అతడి గాయం తీవ్రత ఎక్కువని ఆపరేషన్​ చేయించుకోవాల్సిన అవసరం ఉందని తేలింది. ఇందుకోసం స్టోక్స్ స్వదేశానికి రానున్నాడని ఇంగ్లీష్ క్రికెట్ బోర్డు వెల్లడించింది. సోమవారం లీడ్స్​లో ఇతడు శస్త్ర చికిత్స చేయించుకోనున్నాడు.

• Speedy recovery, @BenStokes38 🙏

  — England Cricket (@englandcricket) April 16, 2021 " class="align-text-top noRightClick twitterSection" data="

  Speedy recovery, @BenStokes38 🙏

  — England Cricket (@englandcricket) April 16, 2021

  ">

  Speedy recovery, @BenStokes38 🙏

  — England Cricket (@englandcricket) April 16, 2021

ఈ కారణంగా స్వదేశంలో న్యూజిలాండ్​తో జూన్ 2న ప్రారంభమయ్యే టెస్టు సిరీస్​కు స్టోక్స్ దూరమయ్యే అవకాశం ఉంది.

పంజాబ్‌తో మ్యాచ్‌లో మొదట ఒక క్యాచ్‌ వదిలిపెట్టిన స్టోక్స్‌.. ఆ తర్వాత గేల్‌ ఇచ్చిన క్యాచ్‌ను డైవ్‌ చేస్తూ పట్టాడు. కానీ వెంటనే చేతిని విదిలించుకుంటూ ఇబ్బందిగా కనిపించాడు. ఆ తర్వాత అలాగే ఫీల్డింగ్‌, బౌలింగ్‌ చేశాడు. బ్యాటింగ్‌లో ఓపెనర్‌గా దిగి ఇన్నింగ్స్‌ తొలి ఓవర్లోనే ఔటయ్యాడు.