BCCI New Chairman : బీసీసీఐ సీనియర్ సెలక్షన్ కమిటీ ఛైర్మన్‌గా భారత జట్టు మాజీ ఆల్‌రౌండర్‌ అజిత్ అగార్కర్ నియమితులయ్యారు. ఇందుకు సంబంధించి ఓ ప్రకటనను విడుదల చేసింది బీసీసీఐ. అజిత్ను సీనియర్ మెన్స్‌ సెలక్షన్ కమిటీ ఛైర్మన్‌గా నియమిస్తున్నట్లు బీసీసీఐ తెలిపింది. ఈయనతో పాటు శివసుందర్‌ దాస్, సుబ్రతో బెనర్జీ, సలీల్‌ అంకోలా, శ్రీధరన్‌ శరత్లు కూడా సెలక్షన్ కమిటీ సభ్యులుగా ఉంటారని క్రికెట్ బోర్డు పేర్కొంది.
-
🚨 NEWS 🚨: Ajit Agarkar appointed Chairman of Senior Men’s Selection Committee.
— BCCI (@BCCI) July 4, 2023 " class="align-text-top noRightClick twitterSection" data="
Details 🔽https://t.co/paprb6eyJC
">🚨 NEWS 🚨: Ajit Agarkar appointed Chairman of Senior Men’s Selection Committee.
— BCCI (@BCCI) July 4, 2023
Details 🔽https://t.co/paprb6eyJC🚨 NEWS 🚨: Ajit Agarkar appointed Chairman of Senior Men’s Selection Committee.
— BCCI (@BCCI) July 4, 2023
Details 🔽https://t.co/paprb6eyJC
BCCI Chetan Sharma : బీసీసీఐ లోపల జరిగిన పలు అంతర్గత విషయాలను బహిర్గతం చేసినందున చేతన్ శర్మ స్థానంలో కొత్త చీఫ్ సెలక్టర్ను నియమించేందుకు వివిధ జోన్ల నుంచి దరఖాస్తులు స్వీకరించింది బీసీసీఐ. సీనియర్ మెన్స్‌ సెలక్షన్ కమిటీ ఛైర్మన్‌ స్థానానికి దరఖాస్తు చేసిన అభ్యర్థులను అశోక్ మల్హోత్రా నేతృత్వంలోని ముగ్గురు సభ్యుల క్రికెట్ అడ్వైజరీ కమిటీ (సీఏసీ) వర్చువల్ విధానంలో అజిత్ అగార్కర్‌ను ఇంటర్వూ చేసింది. అనంతరం ఆయన్ను సెలక్షన్ కమిటీ ఛైర్మన్‌గా ఏకగ్రీవంగా సిఫార్సు చేశారు కమిటీ సభ్యులు. సీఏసీ సూచన మేరకు అగార్కర్‌ను ఛైర్మన్‌గా నియమిస్తూ బీసీసీఐ నిర్ణయం తీసుకుంది. శివసుందర్‌ దాస్, సుబ్రతో బెనర్జీ, సలీల్‌ అంకోలా, శ్రీధరన్‌ శరత్ సెలక్షన్ కమిటీ సభ్యులుగా ఉంటారని బీసీసీఐ పేర్కొంది.
ప్రస్తుతం తన కుటుంబంతో కలిసి విదేశాల్లో ఉన్న అజిత్ను.. వర్చువల్ పద్ధతిలో ఇంటర్వ్యూ చేసినట్లు బీసీసీఐలోని ఓ అధికారి పీటీఐకి తెలిపారు. కాగా, ఇంటర్వ్యూకి హాజరైన ఏకైక అభ్యర్థి అజితే. అయితే ఇటీవలే చీఫ్ సెలక్టర్ వార్షిక వేతనాన్ని పెంచుతున్నట్లు బీసీసీఐ ప్రకటించిన నేపథ్యంలో అజిత్ అగార్కర్ మంచి జీతాన్ని అందుకోనున్నారు.
భారత్ తరఫున 191 వన్డేలు, 26 టెస్టులు, 4 టీ20లు ఆడారు అజిత్ అగార్కర్. 1999, 2003, 2007లో వన్డే ప్రపంచకప్ టీమ్ఇండియా జట్టులో కీలక ఆటగాడిగా ఉన్నారు. 2007లో జరిగిన టీ20 ప్రపంచకప్గెలిచిన భారత జట్టులో అజిత్ అగార్కర్ కీలక పాత్ర పోషించారు. దీంతో పాటు లండన్లోని ప్రముఖ లార్డ్స్ మైదానంలో ఓ టెస్టు సెంచరీ చేసిన రికార్డు అజిత్ పేరిట ఉంది. అలాగే 2004లో ఆస్ట్రేలియాలోని అడిలైడ్ మైదానంలో ఆసీస్తో జరిగిన టెస్ట్ మ్యాచ్లో ఆరు వికెట్లు పడగొట్టి జట్టు విజయంలో కీలకంగా వ్యవహరించాడు.
