న్యూజిలాండ్తో టెస్టు సిరీస్కు ముందు ఇంగ్లాండ్ జట్టుకు పెద్ద ఎదురుదెబ్బ తగిలింది. గాయం కారణంగా ఆల్రౌండర్ జోఫ్రా ఆర్చర్ సిరీస్ నుంచి వైదొలిగాడు. ఈ విషయాన్ని ఇంగ్లాండ్ అండ్ వేల్స్ క్రికెట్ బోర్డు అధికారికంగా ప్రకటించింది.
ఇటీవల కౌంటీల్లో ససెక్స్ జట్టుకు ఆడిన ఆర్చర్.. కేవలం 5ఓవర్లు మాత్రమే బౌలింగ్ చేశాడు. ఈ మ్యాచ్కు ముందు గత వారం సర్రేతో జరిగిన మ్యాచ్లో 29.2 ఓవర్లు బౌలింగ్ చేశాడు జోఫ్రా. తాను ఫిట్గా ఉన్నానని.. ఐపీఎల్ తిరిగి ప్రారంభమైతే ఆడటానికి సిద్ధమని ప్రకటించాడు. కానీ ఇంతలోనే గాయం మరోసారి తిరగబెట్టింది.
భారత్తో జరిగిన నాలుగు టెస్టుల సిరీస్లో కేవలం రెండు మ్యాచ్లే ఆడాడు ఆర్చర్. గాయం కారణంగా మధ్యలోనే తప్పుకున్నాడు. ఐపీఎల్కు కూడా దూరమయ్యాడు.
ఇదీ చదవండి: 'మా వాళ్లను క్షేమంగా పంపారు.. థ్యాంక్యూ బీసీసీఐ'
