థాయ్​లాండ్ ఓపెన్: శ్రీకాంత్ రెండో రౌండ్​లోకి

ప్రస్తుతం జరుగుతున్న థాయ్​లాండ్ ఓపెన్​లో శ్రీకాంత్ ఆకట్టుకునే ప్రదర్శన చేశాడు. మన దేశానికే చెందిన సౌరభ్ వర్మపై విజయం సాధించి ముందంజ వేశాడు.

థాయ్​లాండ్​ ఓపెన్​లో భారత స్టార్ షట్లర్ కిదాంబి శ్రీకాంత్ అదరగొట్టాడు. తొలి మ్యాచ్​లో సౌరభ్ వర్మపై గెలిచాడు. 21-12, 21-11 తేడాతో విజయం సాధించి, రెండో రౌండ్​లోకి అడుగుపెట్టాడు.

అంతకు ముందు తొలి రౌండ్​లో పీవీ సింధు, సాయిప్రణీత్ ఓడి, టోర్నీ నుంచి నిష్క్రమించారు. సైనా, ప్రణయ్​లకు తొలుత కరోనా పాజిటివ్​గా తేలింది. మరోసారి పరీక్షలు చేయగా, నెగిటివ్​ వచ్చింది. దీంతో బుధవారం వారి మ్యాచ్​లు జరగనున్నాయి.

ఇది చదవండి: శ్రీకాంత్​ గాయంపై వివరణ.. టోర్నీ నుంచి కశ్యప్​ ఔట్