ఆస్ట్రేలియన్ ఓపెన్లో భారత షట్లర్లకు నిరాశే ఎదురైంది. రెండో రౌండ్లో సింధు, సమీర్ వర్మ ఇంటిముఖం పట్టారు. మహిళల సింగిల్స్ విభాగంలో థాయ్లాండ్కు చెందిన నిచావ్ చేతిలో సింధు ఓడిపోయింది. పురుషుల విభాగంలో చైనీస్ తైపీకి చెందిన వాంగ్ జూ వీ చేతిలో కంగుతిన్నాడు సమీర్.
ఐదో స్థానంలో ఉన్న సింధు 29వ ర్యాంకర్ నిచావ్పై ఓడింది. 19-21, 18-21 తేడాతో వరుస సెట్లలో పరాజయం చెందింది. వీరిద్దరూ ఏడు సార్లు ముఖాముఖి తలపడగా సింధు ఓడడం ఇది రెండోసారి.
పురుషుల సింగిల్స్లో సమీర్వర్మ.. వాంగ్ జూ వీ చేతిలో 16-21, 21-7, 13-21 తేడాతో ఓటమి పాలయ్యాడు.
మరో భారత షట్లర్ సాయి ప్రణీత్కు, ఇండోనేషియా ప్లేయర్ ఆంథోనీకి మధ్య జరిగిన ఉత్కంఠపోరులో ఇండోనేషియా క్రీడాకారుడే గెలిచాడు.
భారత పురుషుల డబుల్స్ జోడి చిరాగ్ - సాత్విక్ చైనా ద్వయం లీజ్ జున్హీ- లియూ యూచెన్పై ఓడిపోయింది. 19-21, 18-21 తేడాతో వరుస సెట్లలో పరాజయం చెందింది.
