ఓటీటీ రిలీజ్​ ఆలోచనే లేదు: 'విరాటపర్వం' దర్శకుడు

కరోనా కారణంగా విడుదల వాయిదా పడిన 'విరాటపర్వం' చిత్రం ఓటీటీ ద్వారా ప్రేక్షకుల ముందుకురానున్నట్లు కొన్నిరోజులుగా ప్రచారం జరిగింది. అయితే దీనిపై స్పందించిన దర్శకుడు వేణు ఊడుగుల.. సినిమాను ఓటీటీలో విడుదల చేసే ఉద్దేశం తమకు లేదని తేల్చిచెప్పారు.

రానా, సాయి ప‌ల్ల‌వి, ప్రియ‌మ‌ణి ప్ర‌ధాన పాత్ర‌ల్లో ద‌ర్శ‌కుడు వేణు ఊడుగుల తెర‌కెక్కిస్తోన్న‌ చిత్రం 'విరాట ప‌ర్వం'. ఈ సినిమా ఓటీటీలో విడుద‌ల‌య్యే అవ‌కాశాలు ఉన్నాయని కొన్ని రోజుల నుంచి వార్త‌లొస్తున్నాయి. అయితే ఈ వార్తలపై దర్శకుడు వేణు స్పందించారు.

ఈ సినిమాను డిజిట‌ల్ మాధ్య‌మంలో విడుద‌ల చేసే ఉద్దేశం లేద‌ని, ఎప్ప‌టికైనా థియేట‌ర్ల‌లోనే రిలీజ్‌ చేస్తామ‌ని తెలిపారు. ప‌రిస్థితులు చ‌క్క‌బ‌డ్డాక‌ కొత్త విడుద‌ల తేదీని ప్ర‌క‌టిస్తామని తెలిపారు.

పీరియాడిక‌ల్ డ్రామా నేప‌థ్యంలో ఈ చిత్రం రూపొందుతోంది. ద‌గ్గుబాటి సురేశ్ బాబు, సుధాక‌ర్‌ చెరుకూరి నిర్మాత‌లు. సురేశ్ బొబ్బిలి సంగీతం అందిస్తున్నారు. ఏప్రిల్ 30న ఈ సినిమా విడుద‌ల కావాల్సివుండగా, కొవిడ్ సెకండ్ వేవ్ దృష్ట్యా వాయిదా ప‌డింది.

ఇదీ చూడండి.. రెండు భాగాలుగా 'మనీ హేస్ట్' చివరి సీజన్​