కోలీవుడ్ దర్శకుడు అట్లీ, హీరో విజయ్‌ది సూపర్హిట్ కాంబినేషన్. 'తేరి', 'మెర్సల్‌' చిత్రాల తర్వాత వీరిద్దరూ కలిసి చేస్తోన్న సినిమా 'బిగిల్'. దీనికి విజిల్‌, ఈల అని అర్ధం. ఈ సినిమాలో నటుడిగానే కాకుండా గాయకుడిగానూ ఆకట్టుకోనున్నాడు దళపతి. స్వరమాంత్రికుడు రెహమాన్ సారథ్యంలో విజయ్ గాత్రంతో 'వెర్రితనం' పేరుతో పాట రూపొందిస్తున్నారు. పాటల రచయిత వివేక్ లిరిక్స్ రాశాడు.
గతంలో హ్యారిస్ జయరాజ్తో కలిసి 'తుపాకీ' చిత్రంలో, జీవీ ప్రకాశ్తో 'తేరి' సినిమాలో పాట పాడాడు విజయ్. సర్కార్ మూవీలో పాట పాడించేందుకు రెహమాన్ ప్రయత్నించినా కుదరలేదు. 'బిగిల్'లో తొలిసారి వీరిద్దరి కాంబోలో పాట రాబోతోంది.
ఇప్పటికే ఈ చిత్రం నుంచి విడుదలైన ఫస్ట్లుక్ ఆకట్టుకుంది. ఇందులో ద్విపాత్రాభియనంతో మెప్పించనున్నాడు విజయ్. ఫుట్‌బాల్‌ కోచ్‌గా, గ్యాంగ్‌స్టర్‌గా కనిపించనున్నాడు. నయనతార కథానాయిక. దాదాపు రూ.125 కోట్ల భారీ బడ్జెట్‌తో ఏజీఎస్‌ ఎంటర్‌టైన్‌మెంట్స్‌ సంస్థ సినిమాను నిర్మిస్తోంది. ఈ ఏడాది దీపావళి కానుకగా ప్రేక్షకుల ముందుకు రానుంది.
ఇవీ చూడండి...
