విజయ్ దేవరకొండ అభిమానులకు శుభవార్త. పూరీ జగన్నాథ్ దర్శకత్వంలో ఈ హీరో నటిస్తున్న పాన్ ఇండియా సినిమా నుంచి అప్డేట్ రానుంది. టైటిల్‌, ఫస్ట్‌లుక్‌‌ను సోమవారం(జనవరి 18) ఉదయం 10:08 గంటలకు విడుదల చేయనున్నట్లు ప్రకటించారు.
"ఇకపై కథలు భాషలకు కట్టుబడి ఉండవు. మునుపెన్నడూ చూడని ఎన్నో విభిన్నమైన, అద్భుతమైన కథలను గత కొన్నేళ్లుగా మేము మీకు అందిస్తున్నాం. భాషా పరిమితులు లేకుండా ప్రతిఒక్కర్నీ ఎంటర్‌టైన్‌ చేసేవిధంగా ఎన్నో చిత్రాలు అందించాం. ఈ మా ప్రయాణంలో మరో మంచి చిత్రాన్ని మీకు అందించనున్నాం."
- పూరీ కనెక్ట్స్, ధర్మా ప్రొడక్షన్స్ సంయుక్త ప్రకటన
బాక్సింగ్ ప్రధానాంశంగా ఈ సినిమా తీస్తున్నారు. ఇందుకోసం విజయ్ మార్షల్ ఆర్ట్స్ కూడా నేర్చుకున్నాడు. బాలీవుడ్ ముద్దుగుమ్మ అనన్యపాండే హీరోయిన్గా నటిస్తోంది.
ఇదీ చూడండి: బాలీవుడ్ 'జెర్సీ' విడుదల తేదీ ఖరారు
