మలయాళ నటుడు ఫాహద్ ఫాజిల్ హీరోగా నటించిన సైకలాజికల్ థ్రిల్లర్ 'ట్రాన్స్'. మలయాళంలో ఈ ఫిబ్రవరిలో వచ్చిన ఈ చిత్రం.. బాక్సాఫీస్‌ దగ్గర మంచి విజయాన్ని సొంతం చేసుకుంది. ఇప్పుడు ఈ చిత్రం తెలుగు ప్రేక్షకుల ముందుకు వస్తోంది. కరోనా వైరస్‌, లాక్‌డౌన్‌ కారణంగా థియేటర్లలో సినిమాల విడుదల ఆగిపోయిన సంగతి తెలిసిందే. ఈ నేపథ్యంలో విడుదలకు నోచుకోని పలు చిత్రాలతో పాటు, ఇతర భాషల్లోని చిత్రాలను తెలుగులోకి అనువదిస్తున్నారు.
తాజాగా ఈ చిత్రాన్ని తెలుగు ఓటీటీ 'ఆహా'లో విడుదల చేస్తున్నారు. ఆగస్టు 7న 'ట్రాన్స్' స్ట్రీమింగ్ మొదలవుతుంది. దర్శకుడు, నటుడు గౌతమ్‌ మేనన్‌ 'ట్రాన్స్' తెలుగు ట్రైలర్‌ను విడుదల చేశారు. నజ్రియా నజీమ్‌, గౌతమ్‌ మేనన్‌, చంబన్‌ వినోద్‌ జోషీ తదితరులు కీలక పాత్రలు పోషిస్తున్నారు. అన్వర్‌ రషీద్‌ దర్శకత్వం వహించారు.
- " class="align-text-top noRightClick twitterSection" data="">
