కోలీవుడ్ స్టార్ హీరో సూర్య వరుస సినిమాలతో జోరు చూపిస్తున్నారు. నేడు (శుక్రవారం) ఆయన పుట్టినరోజు సందర్భంగా కొత్త సినిమాల ప్రకటనలతో పాటు ఫస్ట్లుక్లను విడుదల చేస్తున్నాయి చిత్రబృందాలు. తాజాగా సూర్య 39వ సినిమాగా రూపొందుతోన్న చిత్ర టైటిల్తో పాటు ఫస్ట్లుక్ రిలీజ్ అయింది. 'జై భీమ్' అనే టైటిల్తో తెరకెక్కుతోన్న ఈ సినిమాలో సూర్య న్యాయవాదిగా కనిపించనున్నారు. జ్ఞానవేల్ దర్శకత్వం వహిస్తున్నారు.
'మహా'.. హన్సిక 50వ సినిమా. తమిళంలో థ్రిల్లర్‌ డ్రామా జోనర్‌లో రూపొందిన ఈ చిత్రాన్ని తెలుగులోనూ విడుదల చేయాలనుకున్నారు. అయితే దీని విడుదలకు ఆటంకాలు ఎదురయ్యాయి. గతేడాది ప్రేక్షకుల ముందుకు రావాల్సిన ఈ చిత్రాన్ని ఈ ఏడాది విడుదల చేయాలనుకున్నారు. ఇంతలో కరోనా విజృంభించింది. లాక్‌డౌన్‌తో థియేటర్లు మూతపడ్డాయి. దీంతో ఓటీటీలో విడుదల చేయాలని నిర్ణయించారు నిర్మాతలు. తాజాగా థియేటర్లు తెరుచుకోనున్న నేపథ్యంలో ఈ సినిమా సెన్సార్కు వెళ్లింది. బోర్డు దీనికి యూ/ఏ సర్టిఫికేట్ జారీ చేసింది.
తేజ సజ్జా, ప్రియా వారియర్ ప్రధానపాత్రల్లో నటించిన చిత్రం 'ఇష్క్'. థియేటర్లు మూతపడటం వల్ల ఈ మూవీని ఓటీటీలో రిలీజ్ చేస్తారంటూ వార్తలు వచ్చాయి. ప్రస్తుతం థియేటర్లు తెరుచుకునేందుకు సిద్ధం కావడం వల్ల ఈ మూవీని జులై 30న ప్రేక్షకుల ముందుకు తీసుకువస్తున్నారు. ఈ నేపథ్యంలో ఓ ప్రమోషనల్ వీడియోను సామాజిక మాధ్యమాల్లో పంచుకుంది చిత్రబృందం. ఇందులో తేజ ఫ్రస్టేషన్ కడుపుబ్బా నవ్విస్తోంది.
- " class="align-text-top noRightClick twitterSection" data="">
సత్యదేవ్ హీరోగా నటించిన 'తిమ్మరుసు' జులై 30న ప్రేక్షకుల ముందుకు రానుంది. ఈ నేపథ్యంలో దీనికి సంబంధించిన వర్కింగ్ స్టిల్స్ను సామాజిక మాధ్యమాల్లో పంచుకుంది చిత్రబృందం.
