బాలీవుడ్ నటుడు సుశాంత్‌సింగ్‌ రాజ్‌పుత్‌ మృతిపై జరుగుతున్న విచారణ కీలక మలుపులు తీసుకుంటోంది. డ్రగ్స్ కోణాన్ని దర్యాప్తు చేసేందుకు నార్కొటిక్స్ కంట్రోల్ బ్యూరో (ఎన్సీబీ) రంగంలోకి దిగింది. ఈ నేపథ్యంలో పలువురు బాలీవుడ్ నటీనటుల పేర్లు బయటకు వచ్చాయి. ప్రస్తుతం ప్రముఖ బాలీవుడ్ హీరోయిన్‌ దీపికా పదుకొణెపై ఆరోపణలు వస్తున్నాయి.
మాదక ద్రవ్యాల వినియోగం కేసులో నటి దీపికా పదుకొణె మేనేజర్ కరిష్మాతో పాటు టాలెంట్ మేనేజ్మెంట్ ఏజెన్సీ సీఈఓ ధ్రువ్లకు ఎన్సీబీ సమన్లు జారీ చేసింది. శ్రద్ధాకపూర్‌, సారా అలీఖాన్‌లకూ త్వరలోనే సమన్లు జారీ అవుతాయని సమాచారం.
ముంబయికి ఎలా చేరుతున్నాయి?
అసలు సినీ పరిశ్రమలోకి నిషేధిత డ్రగ్స్ ఎలా, ఎక్కడ నుంచి వస్తున్నాయో కనిపెట్టే పనిని ఎన్సీబీ ముమ్మరం చేసింది. పాక్‌, పంజాబ్‌ తదితర ప్రాంతాల నుంచి దేశ ఆర్థిక రాజధానిలోకి ప్రవేశించడంపై ఆరా తీస్తోంది. డ్రగ్స్ కేసులో ప్రస్తావనకు వచ్చిన డి, కె అనే ఆంగ్ల అక్షరాల్లో డి అంటే దీపికా పదుకొణె అని, కె అంటే ఆమె మేనేజర్ కరిష్మా అని భావిస్తున్నారు. కాగా వీరిని ఈ రోజు ప్రశ్నిస్తారనే వార్తలు వెలువడుతున్నాయి.
