నటి శ్రీదేవి మైనపు విగ్రహాన్ని సింగపూర్ మేడమ్ టుస్సాడ్స్లో నేడు ఆవిష్కరించారు. ఈ కార్యక్రమానికి ఆమె భర్త బోనీ కపూర్, పిల్లలు జాన్వీ, ఖుషీ కపూర్లు హాజరయ్యారు.
1987లో శ్రీదేవి నటించిన 'మిస్టర్ ఇండియా' సినిమాలోని 'హవా హవాయి' లుక్ ఆధారంగా ఈ విగ్రహాన్ని తీర్చిదిద్దారు. నిజంగా శ్రీదేవి మళ్లీ వచ్చిందా అనేట్టుగా ఉంటూ ఆశ్చర్యపరుస్తోందీ ప్రతిమ. తల్లి మైనపు బొమ్మను చూస్తూ అలాగే ఆనందంతో ఉప్పొంగిపోయారు జాన్వీ, ఖుషీ. ఈ వేడుకకు శ్రీదేవి సోదరి.. హీరోయిన్ మహేశ్వరి కూడా హాజరైంది.
తెలుగు, తమిళం, హిందీ, మలయాళ భాషల్లో 300కు పైగా చిత్రాల్లో నటించిన శ్రీదేవి.. లేడీ సూపర్స్టార్గా ఖ్యాతి గడించారు. ఆమె చివరి చిత్రం 'మామ్'. ఈ సినిమాకు ఉత్తమ నటిగా జాతీయ పురస్కారం అందుకున్నారు. గత ఏడాది బంధువుల పెళ్లికి దుబాయ్ వెళ్లి ప్రమాదవశాత్తు మరణించారు శ్రీదేవి.
ఇది చదవండి: కుర్రకారుకు కైపెక్కిస్తున్న కైలీ జెన్నర్
